शेअर बाजारात घसरण; बँंक आणि मेटल स्टॉक गडगडले, रिअल इस्टेटमधील शेअरला मागणी


हायलाइट्स:

  • मुंबई शेअर बाजाराचा सेन्सेक्स १०९ अंकांनी घसरला आणि ६००२९ अंकावर स्थिरावला.
  • राष्ट्रीय शेअर बाजाराचा निफ्टी ४० अंकांच्या घसरणीसह १७८८८ अंकावर बंद झाला.
  • आजच्या सत्रात बँका आणि मेटल क्षेत्रात विक्रीचा मारा दिसून आला.

मुंबई : गुंतवणूकदारांनी नफावसुली केल्यामुळे आज मंगळवारी शेअर बाजारात घसरण झाली. मुंबई शेअर बाजाराचा सेन्सेक्स १०९ अंकांनी घसरला आणि ६००२९ अंकावर स्थिरावला. राष्ट्रीय शेअर बाजाराचा निफ्टी ४० अंकांच्या घसरणीसह १७८८८ अंकावर बंद झाला. आजच्या सत्रात बँका आणि मेटल क्षेत्रात विक्रीचा मारा दिसून आला.

मुहूर्ताला सोनं झालं स्वस्त! जाणून घ्या आजचा सोने चांदीचा भाव
आज बाजार बंद होताना सेन्सेक्स मंचावरील ३० पैकी १७ शेअर घसरणीसह बंद झाले. ज्यात इन्फोसिस, एचडीएफसी बँक, बजाज फिनसर्व्ह, आयटीसी, कोटक महिंद्रा बँक, आयसीआयसीआय बँक , अल्ट्राटेक सिमेंट, महिंद्रा अँड महिंद्रा, एशियन पेंट, नेस्ले, पॉवरग्रीड, डॉ. रेड्डी लॅब, इंडसइंड बँक, एचसीएल टेक, टेक महिंद्रा, टाटा स्टील या शेअरमध्ये घसरण झाली. मारुती, एनटीपीसी, टायटन, एसबीआय, एल अँड टी, बजाज फायनान्स, भारती एअरटेल, बजाज ऑटो, एचडीएफसी, ऍक्सिस बँक, हिंदुस्थान युनिलिव्हर, टीसीएस हे शेअर वधारले.

पेपरलेस डिजिटल कर्ज ; डीएमआय फायनान्सची रिलायन्स रिटेलसोबत भागीदारी
आजच्या सत्रात निफ्टी मेटल इंडेक्समध्ये सर्वाधिक १.५८ टक्के घसरण झाली. निफ्टी मंचावरील ५० पैकी २० शेअर वधारले तर ३० घसरणीसह बंद झाले. दरम्यान, स्थावर मालमत्ता क्षेत्रात खरेदीचा ओघ कायम आहे. आज इंडियाबुल्स रिअल इस्टेट, शोभा लिमिटेड, ओबेराय रियल्टी या शेअरमध्ये वाढ झाली. आज टाटा पॉवरचा शेअर ५ टक्क्यांनी वधारला.

मुहूर्त ट्रेडिंग करताय ; जाणून घ्या मुहूर्त ट्रेडिंगचे महत्व आणि यंदाची मुहूर्ताची वेळ
केंद्र सरकारला ऑक्टोबर महिन्यात जीएसटीमधून विक्रमी महसूल मिळाला आहे. करोना संकटातून अर्थव्यवस्था आता पूर्णपणे सावरली आहे. त्यामुळे नजीकच्या काळात मोठी वृद्धी अपेक्षित असल्याचे जिओजित फायनान्शिअल सर्व्हीसेचे शेअर बाजार विश्लेषक डॉ. व्ही. के. विजयकुमार यांनी सांगितले. याच महिन्यापासून अमेरिकेच्या फेडरल रिझर्व्हकडून बॉण्ड खरेदीला विराम दिला जाण्याची शक्यता आहे. त्याचेही पडसाद जागतिक बाजारावर उमटले असल्याचे त्यांनी सांगितले.



Source link

Leave a Reply

Your email address will not be published. Required fields are marked *

%d bloggers like this: