नवी दिल्लीः देशात लोकसभेच्या तीन आणि विधानसभेच्या २९ जागांच्या पोटनिवडणुकीचे निकाल लागले. लोकसभेच्या दादरा-नगर हवेली मतदारसंघात शिवसेनेचा, हिमाचलमधील मंडी मतदारसंघात काँग्रेसचा तर मध्य प्रदेशातील खंडवामध्ये भाजपचा विजय झाला. हिमाचल प्रदेशात लोकसभेच्या १ जागेसह विधानसभेच्या तिन्ही जागांवर भाजपचा पराभव झाला. राजस्थान, कर्नाटक आणि महाराष्ट्रात विधानसभा पोटनिवडणुकीत भाजपला पराभवाचा सामना करावा लागला.

लोकसभेच्या ३ जागांपैकी २ जागांवर भाजपचा पराभूत झाला आहे. विधानसभेच्या पोटनिवडणुकांमध्ये काँग्रेस आणि भाजपमध्ये जिथे थेट लढत होती, तिथे भाजपचा दणदणीत पराभव झाला आहे. महाराष्ट्र, हिमाचल प्रदेश, राजस्थान आणि कर्नाटकमध्ये याचा पुरावा, असं म्हणत काँग्रेस प्रवक्ते रणदीप सुरजेवाला यांनी भाजपवर हल्लाबोल केला आहे.

पोटनिवडणुकांमधील पराभवावरून काँग्रेसने भाजपव हल्लाबोल केला आहे. पोटनिवडणुकांचे निकाल पाहता जनतेचा मूड बदलत आहे. आणि आता भाजपची उलट गणती सुरू झाली आहे, अशी प्रतिक्रिया काँग्रेसने दिली आहे.

shiv sena wins dadra and nagar haveli bypoll : भाजपचा धुव्वा! दादरा आणि नगर हवेली पोटनिवडणुकीत शिवसेनेचा भगवा फडकला

पोटनिवडणुकीतील भाजपच्या पराभवावरून काँग्रेसने पंतप्रधान मोदींवरही निशाणा साधला आहे. मोदीजी, आतातरी राजहट्ट सोडा, ३ काळे कृषी कायदे मागे घ्या आणि पेट्रोल डिझेल, गॅसची लूट बंद करा. अहंकार सोडा, असं काँग्रेस प्रवक्ते रणदीप सुरजेवाला हे ट्विटमध्ये म्हणाले.

himachal pradesh bypoll result : हिमाचलमध्ये पोटनिवडणुकीत भाजपला झटका! चारही जागांवर काँग्रेस विजयी

दरम्यान, पोटनिवडणुकीत भाजपच्या झालेल्या पराभवानंतर हिमाचल प्रदेशचे मुख्यमंत्री जयराम ठाकूर यांनी ट्विट केलं आहे. पुढील वर्षी म्हणजे २०२२ मध्ये होणाऱ्या विधानसभा निवडणुकीत भाजपचा नक्कीच विजय होईल. त्यासाठी शक्य ते सर्व प्रयत्न केले जातील, असं मुख्यमंत्री ठाकूर यांनी म्हटलं आहे.