अनुसूचित जाती आयोगाच्या पूर्ण पीठाकडे वानखेडे यांनी आपली सर्व कागतपत्रे सादर केली. तसंच संपूर्ण प्रकरणावर आपली भूमिकाही स्पष्ट केली, असं राष्ट्रीय अनुसूचित जाती आयोगाचे सदस्य सुभाष रामनाथ यांनी सांगितलं. समीर वानखेडे यांचं म्हणणं ऐकल्यानंतर त्यांनी सादर केलेल्या सर्व कागदपत्रांची छाननी केली जाईल. त्यानंतर त्यांनी मांडलेली भूमिका लक्षात घेऊन आयोगाकडून निर्णय घेण्यात येईल, असं आयोगाचे सदस्य सुभाष रामनाथ म्हणाले.
दरम्यान, राष्ट्रीय अनुसूचित जाती आयोगाचे उपाध्यक्ष अरुण हलदर यांनी समीर वानखेडे यांच्या कुटुंबीयांची रविवारी मुंबईत भेट घेतली. देश सेवेत असलेल्या समीर वानखेडे यांनी सरकारी नोकरी मिळवण्यासाठी जातीची कुठलीही बनावट कागदपत्रे दिलेली नाहीत. आपण स्वतः त्यांचा जन्मदाखला पाहिला आहे. आणि वानखेडे यांचं म्हणणं सत्य असल्याचं आढळून आल्याचं अरुण हलदर म्हणाले.
समीवर वनाखेडे यांच्यावर वैयक्तीक हल्ले करून काही नेत्यांकडून त्यांना बदनाम करण्याता प्रयत्न सुरू आहे. यामुळे अनुसूचित आयोग हे दलित कुटुंबाच्या हिताचे संरक्षण करेल, असं अरुण हलदर यांनी सांगितलं.
aryan khan case : दिल्लीत दाखल होताच समीर वानखेडे म्हणाले….
महाराष्ट्रातील राष्ट्रवादीचे नेते आणि अल्पसंख्याक मंत्री नवाब मलिक यांनी समीर वानखेडेंवर गंभीर आरोप केले आहेत. वानखेडे यांनी जातीची बनावट कागदपत्रे सादर करून सरकार नोकरी मिळवली आहे. यामुळे त्यांच्यावर कारवाई करावी, अशी मागणी नवाब मलिक यांनी केली आहे. नवाब मलिक यांनी २५ ऑक्टोबरला पत्रकार परिषद घेतली होती. समीर वानखेडेंनी नोकरी मिळवण्यासाठी धर्म बदलल्याचा आरोप मलिक यांनी केला होता. या प्रकरणी समीर वानखेडे यांनी अनुसूचित जाती आयोगाकडे तक्रार केली होती.
nawab malik : ‘नवाब मलिकांसह महाराष्ट्रातील ठाकरे सरकारच्या मंत्र्यांवर दाऊद इब्राहिमचा प्रभाव’
