हायलाइट्स:
- कमॉडिटी बाजारात सोने चांदीवर नफावसुलीचा दबाव कायम आहे.
- शुक्रवारी सोने आणि चांदीच्या किमतीत मोठी पडझड झाली होती.
- आज सोने आणि चांदीने नकारात्मक सुरुवात केली.
दिवाळीपूर्वी बंपर कमाईची संधी; गुंतवणुकीसाठी आज खुले झाले या चार कंपन्यांचे IPO
सध्या मल्टी कमॉडिटी एक्सचेंजमध्ये १० ग्रॅम सोन्याचा भाव ४७६७९ रुपये इतका आहे. त्यात ४४ रुपयांची वाढ झाली आहे. तत्पूर्वी सोने ४७६१५ रुपयांपर्यंत घसरले होते. तर शुक्रवरच्या सत्रात सोन्यामध्ये मोठी घसरण पाहायला मिळाली. शुक्रवारी बाजार बंद होताना सोने ३५४ रुपयांनी कमी होऊन ४७६०७ रुपयांवर स्थिरावले होते.
इंधन महागाईचा धडाका सुरूच ;जाणून घ्या आज कितीने महागले पेट्रोल-डिझेल
आज एक किलो चांदीचा भाव ६४५०३ रुपये असून त्यात ३१ रुपयांची घसरण झाली आहे. तत्पूर्वी चांदीने ६४३८२ रुपयांचा स्तर गाठला होता. शुक्रवारी चांदीदेखील ३९१ रुपयांनी स्वस्त झाली होती. चांदीचा भाव ६४५४० रुपयांवर स्थिरावला होता.
उत्साही सुरूवात ; सेन्सेक्स निफ्टी पुन्हा तेजीच्या वाटेवर, दोन्ही निर्देशांकांची भरपाई
धनत्रयोदशीला सोनं खरेदीची परंपरा आहे. मात्र मागील काही दिवसांत झालेल्या घसरणीमुळे सोन्याचा भाव ४७५०० रुपयांच्या आसपास आला आहे. मागील वर्षी ऑगस्ट महिन्यात सोन्याने ५६३०० रुपयांचा विक्रमी पल्ला गाठला होता. दरम्यान, ऑक्टोबरच्या शेवटच्या आठवड्यात नफावसुली दिसून आली असली तरी पूर्वार्धात मात्र तेजी होती. या महिन्यात सोने २१०० रुपयांनी महागले तर चांदीमध्ये तब्बल ६४०० रुपयांची वाढ झाली.
दिवाळीची सुट्टी ; राज्यात इतके दिवस बँंका राहणार बंद, जाणून घ्या तपशील
Goodreturns या वेबसाईटनुसार आज सोमवारी मुंबईत २२ कॅरेट सोन्याचा भाव ४७७४० रुपयांवर आणि २४ कॅरेटचा भाव ४७७४० रुपयांवर स्थिर आहे. आज दिल्लीत २२ कॅरेट सोन्याचा भाव ४६८५० रुपये झाला. २४ कॅरेटसाठी सोन्याचा भाव ५११०० रुपये इतका झाला. आज चेन्नईत २२ कॅरेटसाठी ४५०१० रुपये तर २४ कॅरेट सोन्याचा भाव ४९११० रुपये इतका झाला आहे. त्यात गुरुवारच्या तुलनेत १३० रुपयांची घट झाली. कोलकात्यात आज २२ कॅरेट सोन्याचा भाव ४७१५० रुपये असून २४ कॅरेट सोन्याचा भाव ४९८५० रुपये इतका आहे.
आज जागतिक कमॉडिटी बाजारात सोन्याचा भाव १७८१.७८ डॉलर प्रती औंस आहे. त्यात ०.१ टक्क्याची घसरण झाली. चांदीचा भाव ०.२ टक्क्यांनी घसरला असून तो २३.८१ डॉलर झाला आहे.
