INDvsNZ : जर न्यूझीलंडविरुद्ध पराभव झाला, तर टीम इंडिया सेमी फायनलमध्ये जाणार का?


नवी दिल्ली : भारत-न्यूझीलंड यांच्यात आज संध्याकाळी टी-२० विश्वचषकातील अत्यंत महत्त्वाचा सामना रंगणार आहे. हा सामना दोन्ही संघांसाठी उपांत्यपूर्व फेरीसारखाच असणार आहे. जो संघ आजचा सामना जिंकेल त्याचे उपांत्य फेरीचे तिकीट जवळपास पक्के समजले जाईल. टीम इंडियाने येथे विजय नोंदवला तर काय होईल आणि आजचा सामना हरल्यास काय होईल, याबद्दल थोडक्यात माहिती घेऊया.

वाचा- न्यूूझीलंडविरुद्ध इतिहास घडवायचा असेल तर, भारताला ‘या’ पाच गोष्टी

दोन्ही संघांनी गमावलाय पहिला सामना
भारत आणि न्यूझीलंड या दोन्ही संघांना त्यांच्या पहिल्या सामन्यात पाकिस्तानकडून पराभव स्वीकारावा लागला होता आणि आता दुसऱ्या सामन्यात पराभूत झालेल्या संघाला उपांत्य फेरीचे दरवाजे जवळपास बंद होणार आहेत, पण अनिश्चितता हे क्रिकेटचे वैशिष्ट्य आहे, त्यामुळे शक्यता शेवटच्या क्षणापर्यंत टिकून राहतात.

वाचा-कोहलीनंतर पाकिस्तानी पत्रकाराचा या कर्णधाराला बेताल सवाल; खेळाडू परिषदेतून उठून गेला

जर टीम इंडिया आजचा सामना हरली, तर पुढच्या सामन्यात न्यूझीलंडचा पराभव व्हावा, अशी प्रार्थना कराली लागेल. दुसरीकडे टीम इंडियाला कमकुवत संघांविरुद्ध मोठ्या फरकाने विजय मिळवावा लागेल. त्यामुळे भारत आणि न्यूझीलंडचे समान गुण होतील आणि उत्तम नेट रनरेट असलेला संघ अंतिम चारमध्ये स्थान मिळवेल.

वाचा- शमीला ट्रोल करणाऱ्यांना विराट कोहलीने सुनावले; धर्मावरून टीका करणे ही…

पॉइंट टेबलवर एक नजर
पॉइंट टेबलवर नजर टाकली, तर सुपर-१२ चे सामने खेळले जात आहेत. पहिल्या गटात इंग्लंड अव्वल स्थानावर आहे. इंग्लंडने तिन्ही सामने जिंकले असून त्यांचे ६ गुण आहेत. इंग्लंडचा नेट रनरेट चारच्या आसपास आहे. दुसर्‍या गटाबद्दल बोलायचे झाले, तर पाकिस्तान अव्वलस्थानी आहे. भारताने आतापर्यंत फक्त एकच सामना खेळला आहे आणि भारत गटात पाचव्या स्थानावर आहे. आज भारताने विजय मिळवला, तर भारत तिसऱ्या क्रमांकावर जाईल. भारताचे पुढीस सामने अफगाणिस्तान, नामिबिया आणि स्कॉटलंडशी होणार आहेत. या संघांविरुद्ध भारत सहज सामना जिंकेल, अशी आशा आहे. त्यामुळे आजचा सामना खूप महत्त्वाचा आहे.

वाचा- धावा करता येत नाही म्हणून कर्णधाराने मैदान सोडले; पाहा टी-२० वर्ल्डकपमधील प्रकार

करिअर धोक्यात
पूर्णपणे तंदुरुस्त नसतानाही खेळत असलेला हार्दिक पांड्या आणि खराब फॉर्मशी झगडणारा भुवनेश्वर कुमार हे भारतीय संघासाठी डोकेदुखी ठरत असल्याचे सिद्ध झाले आहे. पाठीच्या दुखापतीतून सावरल्यानंतर हार्दिक फॉर्ममध्ये नाही आणि त्याची कारकीर्द आता धोक्यात आली आहे. नेटमधील त्याचा गोलंदाजीचा सरावच त्याच्यावर किती दडपण आहे, हे दाखवून देत होता. त्याची टीम मुंबई इंडियन्सही त्याला आयपीएल लिलावाच्या पूलमध्ये टाकणार आहे, त्यामुळे त्याच्याकडे जास्त वेळ शिल्लक नाही. भुवनेश्वरची ही कदाचित शेवटची आंतरराष्ट्रीय स्पर्धा ठरू शकते. गेल्या दोन मोसमात त्याची कामगिरी लक्षणीयरीत्या घसरली आहे आणि दीपक चाहरसारख्या युवा गोलंदाजाशी स्पर्धा करणे त्याच्यासाठी कठीण झाले आहे.

वाचा- दिग्गज खेळाडूकडून झाली मोठी चूक; १ चेंडूवर दिल्या १० धावा



Source link

Leave a Reply

Your email address will not be published. Required fields are marked *

%d bloggers like this: