मुंबई : या दिवाळीत जर तुम्हाला तुमच्या मुलीला काही भेटवस्तू द्यायची असेल, तर तुम्ही तिला अशी भेट देऊ शकता, ज्याचा तिला भविष्यात फायदा होईल. तुम्ही तिच्या नावावर नवीन गुंतवणूक सुरू करू शकता. यासाठी तुम्ही पोस्ट ऑफिसच्या सुकन्या समृद्धी योजनेतही गुंतवणूक करू शकता. यामध्ये तुम्हाला नक्कीच चांगला रिटर्न मिळेल. तसेच तुमचे पैसे देखील पूर्णपणे सुरक्षित असतील. या योजनेबद्दल सविस्तर माहिती घेऊयात.

दिवाळीपूर्वी सोने झाले स्वस्त ; जाणून घ्या आज किती रुपयांची झाली घसरण
व्याज दर
सुकन्या समृद्धी योजनेत ७.६ टक्के वार्षिक व्याजदर आहे. व्याजाची गणना आणि चक्रवाढ वार्षिक आधारावर केली जाते.

१ नोव्हेंबरपासून होणार महत्त्वाचे ५ बदल; तुमच्या आयुष्यावर होणार थेट परिणाम
गुंतवणूक रक्कम
या पोस्ट ऑफिस स्कीममध्ये एका आर्थिक वर्षात किमान २५० रुपये आणि कमाल १.५ लाख रुपयांची गुंतवणूक करता येते. ठेव ५० रुपयांच्या पटीत गुंतवावी लागते. एकरकमी रकमेत ठेवी करता येतात. एका महिन्यात किंवा आर्थिक वर्षात ठेवींच्या संख्येवर मर्यादा नाही.

खाते कोण उघडू शकते?
१. या योजनेअंतर्गत मुलीचे पालक १० वर्षांपेक्षा कमी वयाच्या मुलीच्या नावावर गुंतवणूक करू शकतात.

२. मुलीच्या नावाने बँक किंवा पोस्ट ऑफिसमध्ये फक्त एकच खाते उघडता येते.

३. हे खाते कुटुंबातील जास्तीत जास्त दोन मुलींसाठी उघडता येते. जुळी किंवा तीन मुले जन्माला आल्यास दोनपेक्षा जास्त खाती उघडता येतात.

दिवाळी नव्हे दिवाळं निघणार! यंदा सण साजरा करताना खिशाला बसणार महागाईची झळ
वैशिष्ट्ये –
१. खाते उघडण्याच्या तारखेपासून २१ वर्षांनी खाते बंद केले जाऊ शकते.

२. याशिवाय, मुलीचे वय १८ वर्षे पूर्ण झाल्यावर तिचे लग्न झाल्यास खाते बंद केले जाऊ शकते.

३. या योजनेत जमा केलेल्या रकमेला आयकर कायद्याच्या कलम ८० सी अंतर्गत सूट देण्यात आली आहे.

४. खाते उघडल्याच्या तारखेपासून जास्तीत जास्त १५ वर्षांच्या कालावधीसाठी योजनेत ठेवी ठेवल्या जाऊ शकतात.

५. जर आर्थिक वर्षात खात्यात किमान २५० रुपये जमा केले गेले नाहीत, तर ते खाते डिफॉल्ट खाते म्हणून मानले जाईल.

६. डिफॉल्ट खाते उघडण्याच्या तारखेपासून १५ वर्षे पूर्ण होण्यापूर्वी पुन्हा चालू केले जाऊ शकते. यासाठी, प्रत्येक डिफॉल्ट वर्षासाठी किमान २५० रुपये अधिक ५० रुपये डिफॉल्ट भरावे लागतील.