पणजीः पश्चिम बंगालच्या मुख्यमंत्री आणि तृणमूल काँग्रेसच्या प्रमुख ममता बॅनर्जी ( mamata banerjee ) या सध्या गोव्याच्या तीन दिवसांच्या दौऱ्यावर आहेत. गोव्यात पुढच्या वर्षी विधानसभा निवडणूक होत आहे. यापार्श्वभूमीवर तृणमूल काँग्रेसनेही तयारी सुरू केली आहे. पणजी ममता बॅनर्जी यांनी माध्यमांशी संवाद साधला. पंतप्रधानपदाच्या शर्यतीत आहात का? असा प्रश्न त्यांना यावेळी विचारण्यात आला. यावर ममतांनी थेट उत्तर देणं टाळलं. आगामी २०२४ च्या लोकसभा निवडणुकीत पंतप्रधानपदाच्या स्पर्धेत आहात का? यावर त्या म्हणाल्या, मी तुम्हाला आताच सर्वकाही सांगितलं, तर नंतर काय सांगणार? असं सूचक वक्तव्य त्यांनी केलं.

आम्ही लपाछपीचा खेळ खेळत नाही. आमच्या पक्षात पारदर्शकता आहे. आम्ही २०२४ ची लोकसभा निवडणूकही लढवू, असं ममता बॅनर्जींनी सांगितलं. आगामी गोवा विधानसभा निवडणूक लढवणं हा लोकसभा निवडणुकीच्या तयारीचा भाग आहे का? असा प्रश्न त्यांना विचारण्यात आला होता.

rahul gandhi : राहुल गांधींचं सूचक वक्तव्य, ‘बॅरिकेड्स हटवले, आता तिन्ही नवीन कृषी कायदेही हटणार’

पश्चिम बंगालच्या मुख्यमंत्री ममता बनर्जी या मोठी भूमिका बजावण्याच्या तयारीत असल्याचं बोललं जातंय. यावरून एका पत्रकाराने त्यांना प्रश्न विचारला. ‘तुम्हीही पंतप्रधानपदाची निवडणूक लढवू शकता. तुम्ही मीडिया आहात, तुम्ही निवडणूक लढवा’, असं उत्तर ममतांनी यावेळी दिलं.

owaisi slams pakistan : पाकिस्तानवर बरसले ओवेसी, ‘क्रिकेटचा इस्लामशी काय संबंध, शेख राशिद वेडे झाले’

भाजप पुढील अनेक वर्षे भारतीय राजकारणाच्या केंद्रस्थानी राहील, असा दावा निवडणूक रणनीतीकार प्रशांत किशोर यांनी केलाय. प्रशांत किशोर यांच्या दाव्यावर ममता बॅनर्जींना प्रश्न विचारण्यात आला. हा प्रश्न आपल्याला विचारण्याऐवजी तुम्ही प्रशांत किशोर यांनाच विचारा. पण विरोधी पक्ष एकजूट न राहिल्यास भाजप कायम राहील, असा प्रशांत किशोर यांच्या म्हणण्याचा अर्थ असावा, असं ममता म्हणाल्या. तृणमूल काँग्रेस गोव्यात सर्व ४० जागांवर निवडणूक लढवेल, असं घोषणा करण्यात आली आहे.