amit shah’s master plan to win up elections : अमित शहांचा यूपी निवडणुकीसाठी मास्टर प्लान! १२५ आमदारांचे तिकीट कपले जाणार?


लखनऊः केंद्रीय गृहमंत्री अमित आजपासून दोन दिवसांच्या उत्तर प्रदेश दौऱ्यावर ( amit shah’s master plan to win up elections ) आहेत. अमित शहांनी उत्तर प्रदेशात विधानसभा निवडणुकीसाठी रणशिंग फुंकले आहे. अमित शहा यांनी ‘मेरा परिवार-भाजपा परिवार’ या सदस्यता मोहीमेला हिरवा झेंडा दाखवला. या कार्यक्रमादरम्यान अमित शहांनी संबोधित केलं. यूपीच्याने जनतेने यावेळी ३०० हून अधिक आमदारांना विजयी करण्याचा संकल्प सोडावा, असं आवाहन अमित शहांनी केलं. यूपीला भाजपने नवी ओळख दिली आहे, असं शहा म्हणाले.

उत्तर प्रदेशला आपली ओळख परत मिळवून देण्याचं काम भाजपने केलं आहे. भाजपने उत्तर प्रदेशला देशातील सर्वात प्रमुख राज्य बनवण्याचं काम केलं आहे. सरकारे ही कुटुंबासाठी नसून राज्यातील गोरगरिबांसाठी असतात हे पक्षाने सिद्ध केलं आहे. योगी सरकार गरीब, मागास आणि दुर्बलांसाठी समर्पित आहे, असं शहा म्हणाले. शहा यांनी अखिलेश यादव यांच्यावरही निशाणा साधला. अखिलेश यांनी स्वतःसाठी, कुटुंबासाठी आणि जातीसाठी राज्य केले. इतर सर्व पक्षांसाठी ही निवडणूक सत्ता काबीज करण्याचा मार्ग आहे. तर भाजप कार्यकर्त्यांसाठी पक्षाची विचारसरणी प्रत्येक घरापर्यंत पोहोचवण्यासाठी हा निवडणूक आहे. सरकारने केलेली कामं जनतेपर्यंत पोहोचवणं यासाठी ही निवडणूक आहे, असं अमित शहा म्हणाले.

यूपीमध्ये अनेक वर्षे सपा-बसपाचा खेळ सुरू होता. त्यामुळे उत्तर प्रदेशचा नाश झाला. उत्तर प्रदेशातील कायदा आणि सुव्यवस्थेची दयनीय अवस्था पाहून संताप येत होता. आज उत्तर प्रदेशातून कुणाहीचेही पलायन होत नाही. पलायन करण्यासाठी दबाव आणणाऱ्यांचेच पलायन झाले आहे, असं ते म्हणाले.

उत्तर प्रदेश आणि देशात मोदीजी आणि योगी सरकारने खूप मोठा बदल घडवून आणला आहे. तुम्ही पुन्हा दोन तृतीयांश बहुमत दिले, मोदीजींनी रामजन्मभूमीची पायाभरणी केली आणि आज प्रभू श्रीरामाचे भव्य मंदिर उभारले जात आहे. अखिलेश यांच्या सरकारमध्ये निरपराध रामभक्तांना गोळ्या घालून ठार करण्यात आले. आज त्याच ठिकाणी रामलला मंदिरात अभिमानाने विराजमान होणार आहेत, असं ते म्हणाले.

काय आहे अमित शहांचा मास्टर प्लान?

अमित शहांनी यूपी निवडणुकीसाठी मास्टर प्लान तयार केला असल्याचं बोललं जातंय. आगामी विधानसभा निवडणुकीत भाजपचा विजय निश्चित करण्यासाठी अमित शहांनी पुन्हा कंबर कसली आहे. अमित शहांच्या मास्टर प्लाननुसार उत्तर प्रदेशातील किमान १२५ विद्यमान आमदारांचं तिकीट ( उमेदवारी ) निवडणुकीत कापलं जाऊ शकतं, असं बोललं जातंय.

Narendra Modi: ऐन दिवाळीत पंतप्रधान नरेंद्र मोदी उत्तराखंड दौऱ्यावर

भाजपच्या १२५ आमदरांच्या विधानसभा मतदारसंघांमध्ये मतदार प्रचंड नाराज आहे. आमदारांविरोधात मतदारांमध्ये मोठी नाराजी आहे. यूपीतील काही जिल्हे असे आहेत, जिथे कुठल्याही विद्यमान आमदाराला उमेदवारी मिळण्याची शक्यता नाहीए. भाजपने केलेल्या वेगवेगळ्या सर्वेतून ही बाब समोर आल्याचं बोललं जातंय. पण अशा आमदारांना नाकारणं हे अमित शहांसमोर मोठं आव्हान असणार आहे. कारण या आमदारांचे नेते हे सरकारमध्ये आहेत. तसंच हे आमदार आरएसएसच्या संपर्कातील आहे. या पार्श्वभूमीवर आमदारांनी आपली लॉबिंगही सुरू केल्याचं बोललं जातंय.

prashant kishor : पुढील अनेक दशकं भाजपच सत्तेत राहणार! प्रशांत किशोर यांच्या दाव्यात किती दम? वाचा

अमित शहांच्या या दोन दिवसांच्या दौऱ्यात निवडणुकीच्या तयारीवर चिंतन केले जाईल. तसंच वेगवेगळ्या ५ बैठका होणार आहेत. अजेंड्या सर्व प्रथम आहे सदस्यता मोहीम. भाजपने ही मोहीम सुरू केली आहे. राज्यात भाजपचे २.५ कोटी सदस्य आहेत. आणि पक्षाचे टार्गेट हे ४ कोटी सदस्य बनवण्याचे आहे. अमित शहांनी नेत्यांना हेच टार्गेट दिल्याचं बोललं जातंय. यूपीत १५ कोटीहून अधिक उमेदवार आहेत. ४ कोटी सदस्य झाल्यास त्यांचे कुटुंब आणि नातेवाईक हे भाजप समर्थक होतील. भाजप समर्थकांची संख्याही ७ ते ८ कोटींवर जाऊ शकते. असं झाल्यास यूपीतील ५० टक्के मतदार हे भाजपचे समर्थक होतील, असा या मागचा विचार आहे.



Source link

Leave a Reply

Your email address will not be published. Required fields are marked *

%d bloggers like this: