हायलाइट्स:
- इंडियन रेल्वे कॅटरिंग अॅंड टुरिझम काॅर्पोरेशनच्या शेअरने (IRCTC) गुंतवणूकदारांना आज अक्षरशः होरपळून काढले.
- कंपनीच्या उत्पन्नाबाबत केंद्र सरकारने घेतलेल्या एका बेधडक निर्णयाने IRCTC च्या शेअरमध्ये आज प्रचंड घसरण झाली.
- अशा निर्णयांमुळे सरकारच्या कार्यपद्धतीवर देखील प्रश्नचिन्ह निर्माण झाले आहे.
खूशखबर ; ‘पीएफ’वरील व्याजाला अर्थमंत्रालयाने दिली मंजुरी, यंदा मिळणार इतकं व्याज
आज शुक्रवारी सकाळच्या सत्रात IRCTC चा शेअर तब्बल ३० टक्क्यांनी कोसळला होता. त्याने ६३९.४५ रुपयांचा नीचांकी स्तर गाठला. या पडझडीसाठी केंद्र सरकारचा एक निर्णय कारणीभूत ठरला. सरकारने काल गुरुवारी IRCTC ला सुविधा शुल्कातून (convenience fee) मिळणाऱ्या उत्पन्नातील ५० टक्के वाटा देण्याचे फर्मान सोडलं. या निर्णयाने मग कंपनीच्या उत्पन्नाला कसा फटका बसेल, असे अंदाज जाणकारांनी व्यक्त केले. साहजिकच गुंतवणूकदारांच्या मनात भीती निर्माण झाली.
दरम्यान, कालच गुरुवारी IRCTC च्या शेअरचे विभाजन झाले होते. एका शेअरचे पाच शेअरमध्ये विभाजन झाले होते. त्यानंतर शेअरमध्ये तेजी दिसून आली होती. काल भांडवली बाजारात मोठी पडझड झाली मात्र IRCTC चा शेअर इंट्रा-डेमध्ये १९ टक्क्यांनी वधारला होता. बाजार बंद होताना तो ८७ रुपयांच्या वाढीसह ९१३.७५ रुपयांवर स्थिरावला होता.
RBI गव्हर्नर शक्तिकांत दास यांच्याबाबत केंद्र सरकारने घेतला मोठा निर्णय
आज मात्र IRCTC च्या शेअरने मोठ्या घसरणीसह सुरुवात केली. सकाळच्या सत्रात IRCTC चा शेअर तब्बल ३० टक्क्यांनी कोसळला होता. त्याने ६३९.४५ रुपयांचा नीचांकी स्तर गाठला. या पडझडीची दखल दिल्लीत घेण्यात आली. IRCTC च्या संचालक मंडळाची तातडीची बैठक बोलावण्यात आली. तर दुसऱ्या बाजूला केंद्र सरकारने IRCTC च्या सुविधा आणि तिकिट विक्रीमधून मिळणाऱ्या उत्पन्नामधील निम्मा हिस्सा मिळावा, यासाठी घेतलेला निर्णय तूर्त मागे घेण्याचे जाहीर केले. या वृत्तानंतर IRCTC च्या शेअरमधील पडझड थांबली. IRCTC चा शेअर सावरला. दुपारी १२. २० वाजता तो ६.३६ टक्क्यांच्या घसरणीसह ८५५.६५ रुपयांवर ट्रेड करत आहे.
दरवाढीची झळ कायम ; सलग तिसऱ्या दिवशी पेट्रोल-डिझेलच्या किमतीत झाली वाढ
तिमाही निकालाकडे लागले डोळे
IRCTC कडून जुलै ते सप्टेंबर या तिमाहीची आर्थिक आकडेवारी येत्या १ नोव्हेंम्बर २०२१ रोजी जाहीर केली जाणार आहे. मागील आठवडाभरात या शेअरमध्ये मोठी उलथापालथ दिसून आली आहे. या पडझडीत होरपळून निघालेल्या गुंतवणूकदारांचे आता तिमाही आकडेवारीकडे डोळे लागले आहेत. तिमाही निकाल IRCTC च्या शेअरची पुढील दिशा ठरवतील, असे शेअर बाजार विश्लेषकांचे म्हणणे आहे.
यापूर्वीही सरकारला मिळत होता उत्पन्नातील वाटा
IRCTC ला तिकीट विक्री आणि सुविधा शुल्कातील निम्मा वाटा देण्याचा सरकारने घेतलेल्या या निर्णयाचा गुंतवणूकदारांवर नकारात्मक परिणाम झाला. त्यांनी IRCTC च्या शेअरची चौफेर विक्री करून पैसे काढून घेण्याचा सपाटा लावला. मात्र करोना संकटापूर्वी देखील IRCTC च्या उत्पन्नातील काही वाटा सरकारला मिळत होता. तर करोना संकट काळात (pandemic) IRCTC ने १०० टक्के उत्पन्न मिळवले होते, अशी माहिती विश्वसनीय सूत्रांनी दिली.
