मुंबई : दिवाळ सणापूर्वी देशभरातील जवळपास सहा कोटी पीएफ सभासदांसाठी आनंदाची बातमी आहे. अर्थ मंत्रालयाने २०२०-२१ या वर्षाकरिता पीएफ रकमेवर ८.५ टक्के व्याज देण्याचा प्रस्ताव मंजूर केला आहे. लवकरच सभासदांच्या खात्यात व्याजाची रक्कम जमा करण्यात येणार आहे.

‘पेटीएम’कडून जम्बो IPO ची घोषणा ; जाणून घ्या संपूर्ण योजनेचा तपशील
कर्मचाऱ्यांच्या भविष्य निर्वाह निधीचे व्यवस्थापन करणाऱ्या ‘ईपीएफओ’ने दिवाळीपूर्वी सभासदांच्या खात्यात व्याजाची रक्कम जमा करण्यासाठी प्रयत्न केले होते. २०१९-२० या वर्षासाठी पीएफवर ८.५ टक्के व्याजदर मंजूर करण्यात आला होते. हाच व्याजदर २०२०-२१मध्ये कायम ठेवण्यात आला आहे.

सराफा बाजारात तेजी; दिवाळीपूर्वीच सोन्याला तेजीची झळाळी,आज पुन्हा महागले सोने
मार्च महिन्यात ८.५ टक्के व्याजदरावर शिक्कामोर्तब करण्यात आले होते. तसा प्रस्ताव अर्थ खात्याकडून मंजुरीसाठी पाठवण्यात आला होता. त्यावर अर्थखात्याने शिक्कामोर्तब केलं आले. त्यामुळे पीएफ व्याजाची वाट पाहणाऱ्या कोट्यवधी सभासदांना दिलासा मिळाला आहे. या निर्णयाने पीएफ सभासदांसाठी दिवाळी आनंदाची जाईल, असे मत श्रम सचिव सुनील भरतवाल यांनी व्यक्त केले.

मित्र-मैत्रिणींची दिवाळी करा खास; FD पेक्षा जास्त परतावा देणारा फंड करा गिफ्ट
करोना संकट काळात सभासदांना आर्थिक मदत व्हावी या उद्देशाने केंद्र सरकारने पीएफ खात्यातून अंशतः पैसे काढण्यास परवानगी दिली होती. या काळात हजारो कोटी काढण्यात आले. त्यामुळे सरकारला सलग दुसऱ्या वर्षी व्याजदर स्थिर ठेवावा लागल्याचे बोलले जाते. आत अर्थ खात्याने ८.५ टक्के व्याजाला मंजुरी दिल्यानंतर लवकरच सभासदांच्या खात्यात व्याजाचे पैसे जमा करण्याची प्रक्रिया सुरु केली जाईल, असे भरतवाल यांनी सांगितले.

पीएफवर व्याज जमा झाले की नाही अशी करा खात्री

१) ‘ईपीएफओ’ वेबसाइटवरून मिळेल माहिती

– कर्मचारी भविष्य निर्वाह निधी संघटनेच्या epfindia.gov.in या वेबसाईटवर शिल्लक रक्कम किती आहे याची माहिती घेता येईल.

– या वेबसाईटवर क्लिक केल्यानंतर passbook.epfindia.gov.in या एक नवीन पेजवर तुम्ही माहिती सादर करावी लागेल.

– या ठिकाणी तुम्हाला UAN नंबर, पासवर्ड आणि कॅप्चा कोड भरावा लागेल.

– सर्व माहिती भरल्यानंतर आणखी एक नवीन पेज खुले होईल आणि यात तुम्हाला मेंबर आयडीची निवड करावी.

– यात ई-पासबुकमधून तुम्हाला ईपीएफ शिल्लक रक्कम कळेल.

म्युच्युअल फंड गुंतवणूक; पोर्टफोलिओमध्ये मल्टी असेट फंड का असावा? जाणून घ्या सविस्तर
२) SMS मधून कळेल तुमचा पीएफ बॅलन्स

– या सेवेसाठी तुमचा UAN नंबर EPFO कडे रजिस्टर्ड असणे आवश्यक आहे.

– तुम्हाला ७७३८२९९८९९ या क्रमांकावर ‘EPFOHO UAN ENG’ हा संदेश पाठवावा लागेल.

– ही सेवा इंग्रजी, हिंदी, पंजाबी यासारख्या १० विविध भाषांमध्ये उपलब्ध आहे.

क्रिप्टो करन्सीमध्ये गुंतवणूक; बीट्सझचा क्रिप्टो एक्सचेंज सुरु, वाॅलेटवर मिळणार विमा संरक्षण
३) मिस्ड कॉल देऊन तुम्हाला मिळेल माहिती

– SMS सेवेप्रमाणे सभासदांना मिस्ड कॉल देऊन पीएफचा बॅलन्स तपासता येईल.

– यासाठी तुमच्या रजिस्टर्ड मोबाइल नंबरवरून ०११-२२९०१४०६ या क्रमांकावर मिस्ड कॉल द्या.

– या सेवेसाठी UAN, PAN आणि आधार लिंक असायला हवा.

४) पीएफ सभासदांना Umang App मधून तपासता येईल ‘पीएफ’ची शिल्लक रक्कम

– स्मार्टफोनमध्ये प्ले स्टोअरमधून Umang App डाउनलोड करावे.

– या ऍपवर तुमचा मोबाइल नंबर रजिस्टर करा आणि ऍपमध्ये लॉगिन करा.

– ऍपमध्ये डाव्या बाजूला असलेल्या मेन्यूमध्ये ‘Service Directory’ मध्ये जा.

– ‘Service Directory’ मध्ये EPFO या पर्यायाची निवड करा.

– यात View Passbook यावर क्लिक करून त्यात UAN नंबर आणि OTP सादर करून पीएफची शिल्कक जाणून घेता येईल.