Haryana: हरयाणात शेतकरी आंदोलनकर्त्या महिलांना ट्रकनं चिरडलं, तीन ठार


हायलाइट्स:

  • बहादूरगडमध्ये भीषण अपघात
  • अनियंत्रित वेगानं आलेल्या ट्रकनं चिरडलं
  • अपघातात तीन महिलांचा मृत्यू, तर तीन गंभीर जखमी

बहादूरगड, हरयाणा : केंद्रानं लागू केलेल्या तीन कृषी कायद्यांविरोधात सुरू असलेल्या आंदोलना दरम्यान हरयाणाच्या बहादूरगडमध्ये आणखीन एक मोठा अपघात घडल्याचं समोर येतंय. गुरुवारी पहाटे एका भरधाव वेगानं येणाऱ्या ट्रकनं तीन आंदोलनकर्त्या महिलांना चिरडल्यानंतर आक्रोश व्यक्त होतोय. ट्रकनं चिरडल्यानंतर या तिन्ही महिलांना आपले प्राण गमवावे लागलेत तर इतर तीन महिला गंभीर जखमी आहेत.

सकाळी ६.०० वाजल्याच्या सुमारास झज्जर रोडवर फ्लायओव्हरच्या खाली ही घटना घडली. आंदोलनकर्त्या शेतकऱ्यांच्या निर्धारीत रोटेशननुसार या महिला आंदोलनानंतर आपल्या घरी निघाल्या होत्या. रस्त्यावर मधोमध लावलेल्या डिव्हायडरवर बसून या महिला घरी परतण्यासाठी रिक्षाची वाट पाहत होत्या. याच दरम्यान समोरून अनियंत्रित वेगानं आलेल्या ट्रकनं या महिलांना धडक दिली.

अशिक्षितांच्या फौजा देश घडवू शकत नाहीत, केंद्रीय गृहमंत्री अमित शहा यांचे विधान
pegasus snooping row : पेगासस हेरगिरी प्रकरणी केंद्राला झटका; सुप्रीम कोर्टाने नेमली चौकशी समिती, कोण आहेत समितीत?
घटनेची माहिती मिळताच पोलिसांनी घटनास्थळी धाव घेतली आणि जखमी नागरिकांना रुग्णालयात दाखल केलं.

मिळालेल्या माहितीनुसार, मृत्युमुखी पडलेल्या तिन्ही महिला वयस्कर होत्या. तीन पैंकी दोन महिलांनी जागेवरच प्राण सोडले तर गंभीर जखमी झालेल्या एका महिलेनं रुग्णालयात अखेरचा श्वास घेतला. छिंदर कौर (६० वर्ष), अमरजीत कौर (५८ वर्ष), आणि गुरमेल कौर (६० वर्ष) अशी मृत्युमुखी पडलेल्या महिलांची नावं आहेत. अपघातात जखमी झालेल्या इतर तीन महिलांची प्रकृती गंभीर असल्याचं समजतंय.

या महिला पंजाबच्या मानसा जिल्ह्याच्या रहिवासी असल्याचं समजतंय. अपघातानंतर ट्रक चालक मात्र घटनास्थळावरून पसार झाला. पोलिसांकडून या ट्रक चालकाचा शोध सुरू आहे.

केंद्र सरकारच्या तीन कृषी कायद्यांविरोधात नोव्हेंबर २०२० पासून दिल्लीच्या सीमेवर शेतकऱ्यांचं आंदोलन सुरू आहे. या आंदोलनात वेगवेगळ्या कारणांनी आत्तापर्यंत जवळपास २०० हून अधिक शेतकऱ्यांना आपले प्राण गमवावे लागले आहेत.

Agni-5 missile : अग्नी-5 क्षेपणास्त्राची यशस्वी चाचणी, ५ हजार किलोमीटरपर्यंत हल्ल्याची उच्च क्षमता
Karnataka: डेल्टा प्लसचे सात रुग्ण, कर्नाटकात परदेशी प्रवाशांसाठी नवी नियमावली



Source link

Leave a Reply

Your email address will not be published. Required fields are marked *

%d bloggers like this: