नवी दिल्ली : पेंट कंपनी बर्जर पेंट्सने रंगांच्या (पेंट्सच्या) किमतीत ८ ते ९ टक्के वाढ जाहीर केली आहे. १२ नोव्हेंबरपासून नवीन दर लागू होणार आहेत. वाढत्या इनपुट खर्चाची भरपाई करण्यासाठी बर्जर पेंट्सने हा निर्णय घेतला आहे. पेंट्स कंपन्यांनी केलेली ही आतापर्यंतची सर्वात जलद दरवाढ आहे. गेल्या सहा महिन्यांत ७.५ टक्के दरवाढीचा निर्णय घेतलेल्या एशियन पेंट्सने आणखी ७-१० टक्क्यांनी दरवाढ करण्याची योजना आखली आहे. तसेच बर्जर पेंट्सनेही किंमत वाढवण्याचा निर्णय घेतला आहे.

घर खरेदीची सुवर्णसंधी; ‘या’ सरकारी बँंकेने गृहकर्ज केले स्वस्त, या दराने मिळेल कर्ज
कोटक इन्स्टिट्यूशनल इक्विटीजच्या मते, डेकोरेटिव्ह पेंट्स विभागातील मार्केट लीडर, एशियन पेंट्सने किमती ७-१० टक्क्यांनी वाढवल्या आहेत. नवीन दर १२ नोव्हेंबरपासून लागू होणार आहेत. बर्जर पेंट्सनेही किमती सिंगल डिजिटने वाढवल्याची माहिती एडलवाईस यांनी दिली. इतर कंपन्या लवकरच त्यांच्या पेंट्सच्या किमती वाढवू शकतात.

SBI खातेधारकांसाठी महत्वाची बातमी! एटीएममधून पैसे काढण्यासाठी लागणार चार अंकी क्रमांक
पेंट्सचे भाव का वाढले?
गेल्या एक वर्षाहून अधिक काळ पेंट कंपन्या महागाईचा सामना करत आहेत. मार्जिन कमी करणाऱ्या इनपुट खर्चाची भरपाई करण्यासाठी कंपन्यांनी ही दरवाढ केली आहे.

आयआयएफएल वेल्थ हुरुन दिल्ली रिच लिस्ट २०२१ नुसार (IIFL Wealth Hurun Delhi Rich List 2021) बर्जर पेंट्सचे गुरबचन सिंग धिंग्रा, कुलदीप सिंग धिंग्रा अँड फॅमिली या यादीत ५ व्या क्रमांकावर आहे. या कुटुंबाची एकूण संपत्ती ६०,४०० कोटी रुपये आहे.

ऐन दिवाळीत महागाईचा आगडोंब ; दोन दिवसांनंतर पुन्हा पेट्रोल-डिझेल महागले
एशियन पेंट्सच्या नफ्यात दुसऱ्या तिमाहीत घट
एशियन पेंट्स लिमिटेडचा निव्वळ नफा ३० सप्टेंबर रोजी संपलेल्या दुसऱ्या तिमाहीत २९ टक्क्यांनी घसरून ६०५.१७ कोटी रुपयांवर आला आहे. गेल्या आर्थिक वर्षातील याच कालावधीत एशियन पेंट्सचा निव्वळ नफा ८५१.९ कोटी रुपये होता.

नामांकित ग्लोबल कंपन्यामध्ये गुंतवणूक संधी; बिर्ला म्युच्युअल फंडाने सादर केली ‘ही’ योजना
दुसर्‍या तिमाहीत कंपनीचा एकत्रित महसूल ७,०९६.०१ कोटी रुपये होता, जो एका वर्षापूर्वी ५,३५०.२३ कोटी रुपये होता. दुसऱ्या तिमाहीत त्याचा एकूण खर्च ६,४१८.१७ कोटी रुपये होता, जो मागील आर्थिक वर्षी याच कालावधीत ४,२९९.१२ कोटी रुपये होता.

सध्या भारतीय पेंट उद्योगाचा आकार सुमारे ५३,००० कोटी रुपयांचा आहे. संघटित क्षेत्राच्या महसुलात देशातील पेंट कंपन्यांचा वाटा ९६ टक्के आहे. क्रिसिलच्या अहवालानुसार, चालू आर्थिक वर्षात पेंट कंपन्या जोरदार पुनरागमन करू शकतात. कोरोना महामारीच्या दुसऱ्या लाटेत झालेल्या नुकसानाची भरपाई पेंट कंपन्या करू शकतात.