मुंबई : आदित्य बिर्ला सनलाईफ म्युच्युअल फंडाने नॅसडॅक १०० फंड ऑफ फंड्स (FoF) सादर केली आहे. ही एक ओपन एंडेड फंड ऑफ फंड्स असून जो परदेशातील ईटीएफ आणि नॅसडॅक १०० इंडेक्सवर आधारित इंडेक्स फंडात गुंतवणूक करेल. या फंडाच्या माध्यमातून गुंतवणूकदारांना जगभरातील आघाडीच्या कंपन्यांमध्ये गुंतवणूक करण्याची संधी मिळणार आहे. यात फेसबुक, अॅपल, मायक्रोसॉफ्ट, एडोब आणि इतर कंपन्यांमध्ये गुंतवणूक करता येईल.

सराफा बाजारात तेजी; सलग दुसऱ्या दिवशी सोने महागले, जाणून घ्या भाव
नॅसडॅक अमेरिकन शेअर बाजाराचा निर्देशांक आहे. या फंडात गुंतवणूक केलेली रक्कम जगभरातील आघाडीच्या १०० कंपन्यांच्या शेअरमध्ये गुंतवण्यात येणार आहे. भारतीय गुंतवणूकदारांना या फंडाच्या माध्यमातून गुंतवणुकीतून फायदा मिळवता येईल.यामध्ये अनेक कंपन्यांचा समावेश आहे ज्यांचा रोजच्या जगण्यात उपयोग होतो. या कंपन्यांमध्ये अॅपल, मायक्रोसॉप्ट, फेसबुक, अल्फाबेट, नेटफ्लिक्स, स्टारबक्स अशा कंपन्यांचा समावेश आहे. हा फंड अशा गुंतवणूकदारांसाठी फायदेशीर आहे जे भौगोलिक स्तरावर आपल्या इक्विटी गुंतवणुकीत वैविध्यता आणू इच्छिततात. या इंडेस्कचे बाजार भांडवल १८ लाख कोटी डॉलर इतकं प्रचंड आहे. अमेरिकन बाजारात हा फंड दमदार कामगिरी करत आहे.

खासगीकरणाचा धडाका; केंद्र सरकार करणार १३ एअरपोर्ट्सची विक्री, प्रक्रियेला आला वेग
आदित्य बिर्ला सनलाईफ ‘नॅसडॅक १०० फंड ऑफ फंड्स’ १५ ऑक्टोबर २०२१ रोजी खुला झाला आहे. यामध्ये २९ ऑक्टोबर २०२१ पर्यंत गुंतवणूकदारांना यात गुंतवणूक करता येईल. या योजनेत किमान पाच हजारांची गुंतवणूक करता येऊ शकते. नॅसडॅक १०० इंडेक्सने मागील २० वर्षात तब्बल चार पटीने वृद्धी साध्य केली आहे.

मागील तीन वर्षाची कामगिरी पाहिली तर नॅसडॅक १०० इंडेक्सने २९.१ टक्के रिटर्न दिला आहे. तर याच काळात निफ्टी ५० टीआरआय इंडेक्सने केवळ १५.२ टक्के परतावा दिला आहे. पाच वर्षात निफ्टीने १८.८ टक्के परतावा दिला तर याच कालावधीत नॅसडॅक १०० इंडेक्सने ३४.६ टक्के रिटर्न दिला आहे. १० वर्षांचा विचार केला तर नॅसडॅक १०० इंडेक्सने ३१.२ टक्के परतावा दिला तर निफ्टी ५० टीआरआयने १३.६ टक्के रिटर्न दिला आहे. नॅसडॅक १०० इंडेक्स हा प्रामुख्याने लार्ज कॅप ग्रोथ इंडेक्स असतो.

आयटी क्षेत्रात गुंतवणूक संधी; बिर्ला म्युच्युअल फंडाचा ‘निफ्टी आयटी ईटीएफ’ खुला
नॅसडॅक १०० इंडेक्समधील आघाडीच्या क्षेत्राचा विचार केला तर आयटीचा ४४ टक्के हिस्सा आहे. कम्युनिकेशन सर्व्हिसेसचा २९ टक्के तर कंन्झुमर सेक्टरचा हिस्सा १५ टक्के आहे. जागतिक कंपन्यांचा विचार केला तर त्यांची प्रचंड वाढ झाली आहे. फेसबुक १५ वर्षांपूर्वी सुरु झाली होती. आज त्याचे २.३७ अब्ज युजर्स आहेत. अॅमेझाॅन २० वर्षांपूर्वी सुरु झाली होती. अमेरिकन बाजारात अॅमेझाॅनची ४० टक्के हिस्सेदारी आहे.

चार सत्रांनंतर पडझड थांबली; आज सेन्सेक्स-निफ्टी वधारले, या शेअरमध्ये तेजीची लाट
या अशा कंपन्या आहेत ज्यांचे बाजार भांडवल हे उदयोन्मुख अर्थव्यवस्थांच्या ‘जीडीपी’च्या तुलनेत अधिक आहे. अॅमेझाॅनचे बाजार भांडवल १.६ लाख कोटी डॉलर्स आहे. कंपनीचे बाजार भांडवल कोरिया, ऑस्ट्रेलिया आणि सौदी अरेबिया या देशांच्या ‘जीडीपी’च्या तुलनेत अधिक आहे.

अॅपलचे बाजार भांडवल २.३ लाख कोटी डॉलर्स आहे. कंपनीचे भांडवल इटली, ब्राझील, ऑस्ट्रेलिया, कोरिया, कॅनडा, रशियासारख्या देशांच्या ‘जीडीपी’च्या तुलनेत अधिक आहे. फेसबुकचे बाजार भांडवल पोलंड, तुर्की, थायलंडच्या ‘जीडीपी’च्या तुलनेत जास्त आहे. आघाडीच्या १० ग्लोबल कंपन्यांचे बाजार भांडवल ‘बीएसई’च्या एकूण भांडवलापैकी चार पटीने अधिक आहे. ‘बीएसई’चे बाजार भांडवल ३.५५ लाख कोटी डॉलर आहे तर जागतिक पातळीवरील १० ग्लोबल कंपन्यांचे बाजार भांडवल १३.१६ लाख कोटी डॉलर्स आहे.