पाकिस्तानने बिघडवलं भारताचं गणित; उपांत्य फेरी गाठणे अवघड


मुंबई : टी-२० विश्वचषक २०२१ मध्ये भारताला पाकिस्तानकडून दारुण पराभव स्वीकारावा लागला. सुपर-१२ सामन्यात विराट कोहलीच्या नेतृत्वाखालील संघ शाहीन आफ्रिदीच्या गोलंदाजीसमोर आणि मोहम्मद रिझवान आणि बाबर आझम या सलामी जोडीपुढे कमी पडला. यासोबतच विश्वचषकात पाकिस्तानविरुद्ध कधीही न हरण्याचा भारताचा अजिंक्य विक्रमही मोडला. या पराभवामुळे अनेक गणिते बदलली आहेत. या स्पर्धेच्या उपांत्य फेरीत जाण्याचा भारताचा मार्ग काहीसा खडतर झाला आहे. आता भारतीय संघाला उर्वरीत सर्व सामन्यांमध्ये विजयाबरोबरच इतर संघांच्या कामगिरीकडेही लक्ष द्यावे लागणार आहे. भारताचे उपांत्य फेरीसाठीचे गणित कसे असेल, त्याबद्दल थोडक्यात जाणून घेऊया.

वाचा-पाकिस्तानी पत्रकाराचा प्रश्न ऐकून, विराटच्या तळपायाची आग मस्तकात गेली; पाहा Video

उपांत्य फेरी गाठण्यासाठी भारताला उर्वरित सर्व सामने जिंकावे लागतील. भारतीय संघाच्या गटामध्ये पाकिस्तान, न्यूझीलंड, स्कॉटलंड, नामिबिया आणि अफगाणिस्तान हे संघ आहेत. यापैकी भारताचा विजय अफगाणिस्तान, स्कॉटलंड आणि नामिबियाविरुद्ध निश्चित मानला जाऊ शकतो, पण ते नक्कीच सोपे असणार नाही. कारण अफगाणिस्तान हा अतिशय धोकादायक संघ आहे. त्याचबरोबर न्यूझीलंडविरुद्ध कधीही भारताने टी-२० विश्वचषक स्पर्धेत सामना जिंकलेला नाही. त्यामुळे विराट कोहलीच्या संघाला यावेळी नवा इतिहास घडवावा लागेल आणि किवी संघाला पराभूत करावे लागेल. असे झाले नाही तर खेळ संपला.

वाचा- Video : ‘पाकिस्तानविरुद्ध आपण हरणार’; महेंद्रसिंह धोनीची भविष्यवाणी खरी ठरली

आता दुसरी शक्यता पाहू. जर भारत, पाकिस्तान आणि न्यूझीलंडच्या संघाने इतर तीन संघांना पराभूत केले, आणि भारतदेखील न्यूझीलंडविरुद्ध पराभूत झाला, तर टीम इंडिया स्पर्धेतून बाद होईल. आणि या गटातून पाकिस्तान आणि न्यूझीलंड हे दोन संघ उपांत्य फेरीत जातील.

वाचा- Video: हा तर इस्लामचा हिंदूंवरील विजय; पाकिस्तान गृहमंत्र्यांचे द्वेष पसरवणारे वक्तव्य

जर भारताने न्यूझीलंडला आणि न्यूझीलंडने पाकिस्तानला हरवले, तर स्पर्धा आणखी मनोरंजक होईल. त्यानंतर उपांत्य फेरीतील संघ निव्वळ रन रेटच्या आधारावर ठरवले जातील. पाकिस्तानने भारताचा १० गडी राखून पराभव केला आहे, त्यामुळे पाकिस्तानचे पारडे जड आहे. न्यूझीलंडने भारत आणि पाकिस्तान या दोन्ही संघांचा पराभव केला, तर भारत पाठीमागे राहील आणि न्यूझीलंड-पाकिस्तान हे संघ पुढे जातील. न्यूझीलंड संघाने भारताला हरवले आणि पाकिस्तानने न्यूझीलंडला हरवले, तरी न्यूझीलंड-पाकिस्तान उपांत्य फेरीत जातील.

वाचा- Video : रिस्पेक्ट! इतिहास रचल्यानंतर धोनीपुढे हाथ बांधून उभे राहिले पाकिस्तानी खेळाडू

जर भारत आणि पाकिस्तान या दोन्ही देशांनी न्यूझीलंडचा पराभव केला, तर दोन्ही शेजारी देश उपांत्य फेरीत जातील. आणि किवी संघ बाहेर पडेल. त्यामुळे, ३१ ऑक्टोबर रोजीचा भारत आणि न्यूझीलंड यांच्यातील सामना हा एक प्रकारे क्वार्टर फायनल असेल.



Source link

Leave a Reply

Your email address will not be published. Required fields are marked *

%d bloggers like this: