रणवीर-दीपिका क्रिकेटमध्ये धमाका करण्यास सज्ज; विकत घेणार IPL मधील नवा संघ


नवी दिल्ली: आयपीएलच्या १४व्या हंगाम नुकताच पार पडला. अंतिम मॅच होऊन अद्याप २ आठवडे देखील झाले नाही तर आयपीएलच्या पुढील म्हणजे १५व्या हंगामाची जोरदार तयारी सुरू झाली आहे. आयपीएल २०२२ मध्ये दोन नवे संघ दाखल होणार आहेत. ज्यामुळे संघांची संख्या ८ वरून १० इतकी होईल.

वाचा-पाकिस्तानविरुद्धच्या सामन्यात भारताकडे आहे हुकमी एक्का; हा फलंदाज कधीच बाद झाला नाही

काही मीडिया रिपोर्टसनुसार अडानी, बिर्ला सारखे मोठे उद्योग समूह नव्या संघांसाठी बोली लावणार आहेत. यात आता आणखी एक मोठे नाव जोडले गेले आहे. हिंदी चित्रपटसृष्टीतील स्टार जोडी दीपिका पादुकोण आणि रणवीर सिंह (Ranveer Deepika team in IPL) यांना देखील आयपीएलमधील संघ विकत घ्याचा असल्याचे कळते. हे वृत्त बाहेर पडताच सोशल मीडियावर याची जोरदार चर्चा सुरू झाली. काहींनी त्यावर गंमतीशीर प्रतिक्रिया देखील देण्यास सुरुवात केली.

वाचा- मॅच पाहण्यासाठी केंद्रीय गृहमंत्र्यांनी पंतप्रधानांकडून घेतली २ दिवसांची सुट्टी, म्हणाले…

बीसीसीआयने आयपीएलमधील नव्या संघांसाठी टेंडर विकेत घेण्याचा कालावधी २० ऑक्टोबर वाढवून दिला होता. सूत्रांनी दिलेल्या माहितीनुसार दोन नव्या फ्रेंचाइजीची प्रत्येकी किमत ३ हजार ५०० कोटींपेक्षा कमी असणार नाही. २०२२ मध्ये आयपीएलमध्ये दोन नवे संघ जोडण्याची बीसीसीआयची योजना आहे. यात अहमदाबाद, लखनऊ आणि पुणे ही शहर आघाडीवर आहेत. यामाध्यमातून बीसीसीआयची ७ हजार कोटींची कमाई होऊ शकते. या दोन्ही संघांचे आधार मुल्य २ हजार कोटी इतके ठवले आहे.

वाचा- भारत विरुद्ध इंग्लंड: रद्द झालेल्या पाचव्या कसोटीचा निर्णय झाला; ICCने सांगितले…

नव्या दोन संघांसाठी कोटक ग्रुप, ओरोबिंदो फार्मा, टोरेंट फार्मा, आरपी-संजीव गोयंगा ग्रुप, बिर्ला ग्रुप आणि अदानी ग्रुप उत्सुक आहे. बीसीसीआयने तिघांना मिळून एका संघासाठी बोली लावण्याची परवानगी दिली आहे. नव्या संघाची घोषणा २५ ऑक्टोबर रोजी दुबईत केली जाणार आहे.



Source link

Leave a Reply

Your email address will not be published. Required fields are marked *

%d bloggers like this: