भारत विरुद्ध इंग्लंड: रद्द झालेल्या पाचव्या कसोटीचा निर्णय झाला; ICCने सांगितले…


लंडन: भारतीय संघ ऑगस्ट-सप्टेंबर महिन्यात इंग्लंड दौऱ्यावर पाच सामन्यांची कसोटी मालिका खेळण्यास गेला होता. या मालिकेतील ४ सामने झाल्यानंतर करोना व्हायरसमुळे पाचवी कसोटी रद्द करण्यात आली होती. याबाबत आंतरराष्ट्रीय क्रिकेट परिषदेने त्याचा निर्णय सुनावला आहे.

वाचा- पाकिस्तानविरुद्धच्या सामन्यात भारताकडे आहे हुकमी एक्का; हा फलंदाज कधीच बाद झाला नाही

भारत आणि इंग्लंड यांच्यातील पाचवी आणि अखेरची कसोटी पुढील वर्षी जुलै महिन्यात खेळवली जाणार आहे. याबाबतची अधिकृत घोषणा आयसीसीने आज शुक्रवारी केली. पाचवी कसोटी जेव्हा रद्द करण्यात आली होती तेव्हा भारत मालिकेत २-१ने आघाडीवर होता. दोन्ही संघातील चौथी कसोटी झाल्यानंतर भारतीय संघात करोनाचे रुग्ण आढळल्यानंतर पाचवी कसोटी रद्द करण्याचा निर्णय इंग्लंड आणि वेल्स क्रिकेट बोर्ड आणि बीसीसीआयने मिळून घेतला होता.

वाचा- विराट कोहली X बाबर आझम: दोन्ही कर्णधारांची ताकद, कच्चे दुवे आणि एक्स फॅक्टर

भारताने तेव्हा ईसीबीला कसोटी रद्द करण्यास भाग पाडले होते. यावर ईसीबीने आयसीसीचा दरवाजा ठोठावला होता आणि मालिकेचे विजेतेपद कोणाला याबाबतचा निर्णय घेण्यास सांगितले होते. आज आयसीसीने आपला निर्णय सुनावला आहे. पुढील वर्षी भारतीय संघ मर्यादीत षटकांची मालिका खेळण्यासाठी इंग्लंड दौऱ्यावर जाणार आहे. त्या मालिकेच्या आधी पाचवी कसोटी खेळवली जाईल. याआधी अशीच चर्चा होती की पाचवा कसोटी सामना एकमेव सामना म्हणून खेळवला जाईल. पण आता हे स्पष्ट झाले आहे की अखेरची कसोटी जी पुढील वर्षी होणार आहे, त्यानंतरच मालिकेचा निकाल लागले.

वाचा-मॅच पाहण्यासाठी केंद्रीय गृहमंत्र्यांनी पंतप्रधानांकडून घेतली २ दिवसांची सुट्टी, म्हणाले…

पुढील वर्षी अशा आहे भारताचा इंग्लंड दौरा

पाचवी कसोटी- १ ते ५ जुलै

टी-२० मालिका
पहिली मॅच- ७ जुलै
दुसरी मॅच- ९ जुलै
तिसरी मॅच- १० जुलै

वनडे मालिका
पहिली मॅच- १२ जुलै
दुसरी मॅच- १४ जुलै
तिसरी मॅच- १७ जुलै



Source link

Leave a Reply

Your email address will not be published. Required fields are marked *

%d bloggers like this: