नवी दिल्ली : शेअर बाजारात गुंतवणूक करून पैसे कमवावेत, असं कुणाला वाटणार नाही. सध्या जगभरात विजेचे संकट घोंघावत आहे. या पार्श्वभूमीवर भारतात सोलर ग्लास बनविणाऱ्या एकमेव कंपनी बोरोसिल रिन्यूएबल्सने आपल्या गुंतवणूकदारांना मालामाल केलं आहे.

अक्षय ऊर्जेवर भर
शेअर बाजारातील तज्ज्ञांच्या मते, सरकारने नुकत्याच केलेल्या सुधारणा आणि देशातील वीज संकटामुळे या कंपनीचे शेअर्स वाढत आहेत. इक्विटी गुंतवणूकदार आता पारंपारिक ऊर्जेला पर्यायी ऊर्जा स्रोतांसह बदलण्याचे काम करणाऱ्या कंपन्यांच्या शेअर्समध्ये गुंतवणूक करू पाहत आहेत.

गुंतवणूकदारांची निवड
इक्विटीमास्टरच्या वरिष्ठ संशोधन विश्लेषक रिचा अग्रवाल म्हणाल्या की, “देशातील सर्वात मोठी कंपनी रिलायन्स इंडस्ट्रीज लिमिटेडने अलीकडेच सौर ऊर्जा व्यवसायासाठी अनेक आंतरराष्ट्रीय कंपन्या विकत घेतल्या आहेत. यामुळेच ग्रीन एनर्जी थीमला गती मिळत आहे. या कंपन्याचे शेअर्स येत्या काळातही तेजीत राहतील, अशी अपेक्षा आहे.”

महान परताव्याच्या कथा
एप्रिल २०२० मध्ये, बोरोसिल रिन्यूएबल्सचे शेअर्स ३३.६ रुपयांच्या पातळीवरून १४०० टक्क्यांनी वाढले असून आता ₹ ५०९.७० वर पोहोचले आहेत. गेल्या दोन ट्रेडिंग सत्रांमध्ये बोरोसिलच्या शेअर्सला लोअर सर्किट लागले होते.

स्वस्त आयातीमुळे देशात अक्षय ऊर्जा उपकरणे बनवणाऱ्या कंपन्यांना त्रास सहन करावा लागत आहे. यामुळेच देशांतर्गत कंपन्यांना प्रचंड तोटा सहन करावा लागतो. अशा समभागांमध्ये गुंतवणूक करताना गुंतवणूकदारांनी ही गोष्ट लक्षात ठेवली पाहिजे.

गुंतवणूक कधी करावी?
बोरोसिल रिन्युएबल्सचे शेअर्समध्ये गुरुवारी ५ टक्क्यांचे लोअर सर्किट लागले आणि त्याचे शेअर्स ४४६.८० वर राहिले. बोरोसिलच्या शेअर्सने गेल्या १ वर्षात ३३३% परतावा दिला आहे. इक्विटी ९९ चे सह-संस्थापक राहुल शर्मा म्हणाले की, बोरोसिलने आपला व्यवसाय वाढवण्यासाठी संस्थात्मक गुंतवणूकदारांकडून २०० कोटी उभारले आहेत. कंपनीला आपली सोलर ग्लास उत्पादन क्षमता ४५० टन प्रतिदिन वरून ९५५ टन प्रतिदिन करायची आहे. बोरोसिलचे शेअर्स वाढण्याची अपेक्षा आहे, पण सध्या खरेदी करण्याची शिफारस करत नाही.