नवी दिल्लीः पंजाबचे माजी मुख्यमंत्री कॅप्टन अमरिंदर सिंग यांनी नवीन राजकीय पक्ष स्थापन करण्याची ( amarinder singh offer bjp to alliance ) घोषणा मंगळवारी केली. यासोबतच त्यांनी युतीसाठी भाजपसमोर अटही ठेवली आहे. अमरिंदर सिंग यांच्या अटीवर आता भाजपने प्रतिक्रिया दिली आली आहे. अमरिंदर सिंग हे देशभक्त आहेत. आणि देशाच्या हिताला प्राधान्य देणाऱ्यांसोबत युती करण्यास भाजप तयार आहे, असं भाजपचे सरचिटणीस दुष्यंत गौतम म्हणाले.

आमचा मुख्य मुद्दा राष्ट्रवाद आणि राष्ट्र प्रथम हा आमचा अजेंडा आहे. या अजेंड्यावर आमच्याशी ज्या पक्षाला युती करायची आहे, त्यांचे स्वागत आहे. अमरिंदर सिंग हे एक माजी सैनिक आहेत. देशाला असलेले धोके आणि त्यापासून देश कसा सुरक्षित ठेवायचा, याची त्यांना माहिती आहे. ते एक देशभक्त आहे ( Amarinder Singh A Patriot ) आणि राष्ट्रीय सुरक्षा आणि सीमेवरील सुरक्षेचा प्रश्न येतो तेव्हा आम्ही त्याच्या भूमिकेचे कौतुक करतो. राष्ट्रवादी हे भाजपसाठी ‘अस्पृश्य’ नाहीत, असं उत्तर गौतम यांनी दिलं.

पंजाब काँग्रेसचे प्रदेशाध्यक्ष नवज्योत सिंग सिद्धू यांच्याशी मतभेद आणि प्रदेश काँग्रेसमधील अंतर्गत कलहामुळे अमरिंदर सिंग यांनी गेल्या महिन्यात मुख्यमंत्रिपदाचा राजीनामा दिला होता. यानंतर काँग्रेसने सिद्धू यांचे निकटवर्ती चरणजीत सिंह चन्नी यांना नवीन मुख्यमंत्री बनवले आहे.

पंजाबच्या भवितव्यासाठी आपली लढाई सुरू आहे. लवकरच राजकीय पक्षाच्या स्थापनेची घोषणा करेन, पंजाब आणि पंजाबच्या जनतेचे हित, तसंच एक वर्षापासून आस्तित्वाची लढाई लढत असलेल्या शेतकऱ्यांच्या हितासाठी काम केले जाईल, असं अमरिंदर सिंग यांनी मंगळवारी ट्विट करून सांगितले होते.

amarinder singh to launch new political party : अमरिंदर सिंग नवीन पक्ष स्थापन करणार, युतीसाठी

शेतकरी आंदोलनावर शेतकऱ्यांच्या हितात तोडगा निघत असेल, तर २०२२ च्या पंजाब विधानसभा निवडणुकीत भाजपसोबत जागावाटपाबाबत आम्ही आशावादी आहोत. तसंच समविचारी पक्षांसोबत जाण्याचाही विचार केला जाईल, असं अमरिंदर सिंग म्हणाले.

Uttar Pradesh पोलीस कोठडीत मृत्यू : पीडित कुटुंबाच्या भेटीला निघालेल्या प्रियांका गांधींना रोखलं

अमरिंदर सिंग यांनी गेल्या महिन्यात दिल्लीत केंद्रीय गृहमंत्री अमित शहा यांची भेट घेतली होती. या भेटीत त्यांच्याशी शेतकरी आंदोलनावर चर्चा केली होती. तीन कृषी कायदे रद्द करून हे संकटावर तातडीने तोडगा काढण्याची विनंती केली होती.