lakhimpur kheri incident : लखीमपूरप्रकरणी यूपी पोलिसांनी जारी केले फोटो, ओळख सांगणाऱ्यांना बक्षीस


लखीमपूर खिरीः उत्तर प्रदेश पोलिसांनी लखीमपूर हिंसाचार प्रकरणी ६ जारी केले आहेत. हे सर्व फोटो तिकुनिया येथील आहेत. या ठिकाणी ३ ऑक्टोबरला हिसांचारात ८ जणांचा मृत्यू झाला होता. मृतांमध्ये ४ शेतकरी, ३ भाजप कार्यकर्ते आणि एका पत्रकाराचा समावेश होता. या घटनेत आतापर्यंत १० जणांना अटक करण्यात आली आहे. पोलीस एकतर्फी तपास करत असल्याचा आरोप केंद्रीय गृह राज्यमंत्री अजय मिश्रा टेनी यांनी केल्यानंतर आता या प्रकरणात ट्विस्ट आला आहे. हिंसाचारात भाजपच्या कार्यकर्त्यांची बेदम मारहाण करून हत्या केली गेली. आता मारहाणीचा आरोप असलेल्यांचा तपास यूपी पोलिसांनी सुरू केला आहे.

याच घटनेत स्थानिक पत्रकार रमण कश्यप यांचीही जमावाने हत्या केली होती. फोटोमधील हल्लेखोरांची माहिती देणाऱ्यांना बक्षीस दिले जाईल. तसंच त्यांचे नावही गुप्त ठेवले जाईल, असं यूपी पोलिसांनी सांगितलं आहे. कारने शेतकऱ्यांना चिरडल्याचा आरोप असणाऱ्यांनाच पोलिसांनी आतापर्यंत पकडलं आहे. यामध्ये केंद्रीय मंत्री अजय मिश्रा यांचा मुलगा आशिष मिश्रा मोनू यांचाही समावेश आहे.

ज्या कारने आंदोलक शेतकऱ्यांना चिरडलं गेलं, ती कार आशिष मिश्रा चालवत असल्याचा आरोप आहे. शेतकऱ्यांच्या समर्थनार्थ राहुल गांधी, प्रियंका गांधी आणि अखिलेश यादव यांनी लखीमपूरला जाऊन पीडितांच्या कुटुंबीयांची भेट घेतली. आता या घटनेत मारल्या गेलेल्या भाजप कार्यकर्त्यांच्या समर्थनासाठी आवाजही उठवला जात आहे. आतापर्यंत यूपी पोलिसांची कारवाई एकतर्फी होती. ज्यांनी आमच्या लोकांची हत्या केली त्यांना का पकडलं जात नाहीए, असा सवाल त्यांनी केला आहे.

priyanka gandhi vadra : ‘उत्तर प्रदेश निवडणुकीत काँग्रेस ४० टक्के महिलांना उमेदवारी

लखीमपूर हिंसाचार घटनेची चौकशी एसआयटी करत आहे. पोलिसांनी ६ फोटो जारी केले आहेत. या घटनेशी संबंधित सर्व व्हिडिओ आणि फोटो पाहिल्यानंतर पोलिसांनी हे फोटो जारी केले आहेत. यातील काही जण हातात लाठ्या -काठ्या घेऊन दिसतात. तर काही जण रागात बोट दाखवताना दिसतात. त्याचवेळी काही लोक धावताना दिसतात. या फोटोंमध्ये सुमारे ३०-३५ चेहरे दिसत आहेत. बहुतेक जण तरुण आहेत आणि दोन, चार वृद्ध देखील आहेत. एका फोटोत जीप पेटताना दिसतेय.

Satya Pal Malik: ‘…तर भाजप पुन्हा सत्तेत येणार नाही’, सत्यपाल मलिक यांच्यामुळे भाजपच्या डोकेदुखीत वाढ

डीआयजींसह ५ पोलिस अधिकाऱ्यांचे क्रमांक जारी करण्यात आले आहेत. या क्रमांकावर फोन करून आरोपींची माहिती देता येईल. हे मोबाइल क्रमांक 9454400454, 9454400394, 9454401072, 9454401486 आणि 9450782977 आहेत. लखीमपूर घटनेच्या दोन्ही बाजूने गुन्हे दाखल करण्यात आले आहेत. भाजपच्या वतीने सुमित जयस्वाल एफआयआर दाखल केला होता. पोलिसांनी त्यालाही अटक केली आहे.



Source link

Leave a Reply

Your email address will not be published. Required fields are marked *

%d bloggers like this: