2 girls run over by vehicle : पोलीस अधिकाऱ्याने दोन तरुणींना चिरडलं, १ ठार; थरारक घटना सीसीटीव्हीत कैद


चंदिगडः जालंधर-फगवाडा महामार्गावरील धानोवलीजवळ आज सकाळी एका भरधाव कारने दोन तरुणींना चिरडलं. या अपघातात एका तरुणीचा जागीच मृत्यू झाला. मृत तरुणीचे नाव नवज्योत कौर असं आहे. ती धनोवालीमध्ये राहत होती. नवज्योत कौर ही कॉस्मो ह्युंदाईमध्ये नोकरीला होती. ती तिच्या मैत्रिणीसोबत पायी जात होती. तेव्हा भरधाव कारने दोघींना चिरडलं. या अपघातात नवज्योतचा जागीच मृत्यू झाला.

ही घटना सकाळी साडेआठच्या सुमारास घडली. एक पोलीस उपनिरीक्षक वेगाने कार चालवत होता आणि धानोवली गेटजवळ त्याने तरुणींना चिरडलं आणि तो पळून गेला, अशी माहिती घटनास्थळी उपस्थित नागरिकांनी दिली. या घटनेचं सीसीटीव्ही फुटेजही समोर आलं आहे. या सीसीटीव्ही व्हिडिओमध्ये दोन तरुणी रस्ता ओलांडण्याचा प्रयत्न करताना दिसत आहेत. भरधाव वेगाने येत असलेली कार पाहून त्या दोघीही मागे सरकल्या. पण कारने त्यांना चिरडलं. तरुणींना चिरडून कार भरधाव वेगात नि निघून गेली. हा व्हिडिओ अंगावर काटे आणणारा आहे. या प्रकरणातील आरोपी पोलीस उपनिरीक्षकाला अटक करण्यात आली आहे.

जालंधर-फगवाडा महामार्गावर या घटनेनंतर संतप्त नागरिकांनी जोरदार आंदोलन केलं. आरोपी पोलिसावर हत्येचा गुन्हा दाखल होत नाही, तोपर्यंत हा महामार्गावरील वाहतूक रोखून धरणार, असा इशारा आंदोलकांनी दिला. आपली मुलगी सकाळी कामासाठी निघाली होती. वाटेत नवली गेटजवळ ती रस्ता ओलांडत होती. तेव्हा एका भरधाव कारने तिला धडक दिली आणि कार निघून गेली, असं मृत तरुणीची आई तेजेंद्र कौर यांनी सांगितलं. पोलिसावर हत्येचा गुन्हा दाखल होत नाही, तोपर्यंत महामार्गावरील वाहतूक चालू देणार नाही. आम्ही वाहनाचा शोध घेतला आहे. चालकाला लवकरच अटक केली जाईल, असं घटनास्थळी पोहचलेले सहाय्यक पोलीस आयुक्त बलविंदर इक्बाल सिंग म्हणाले. की, यानंतर आरोपी पोलीस उपनिरीक्षकाला अटक करण्यात आली.

Gujarat: सूरतमध्ये साड्यांच्या पॅकेजिंग युनिटला आग, दोन मजुरांचा होरपळून मृत्यू

UP Crime: दिवसाढवळ्या न्यायालय परिसरातच गोळ्या घालून वकिलाची हत्या



Source link

Leave a Reply

Your email address will not be published. Required fields are marked *

%d bloggers like this: