मोठ्या पडझडतीतून सावरले; जाणून घ्या आज किती रुपयांनी महागले सोने-चांदी


हायलाइट्स:

  • दसऱ्याच्या दिवशी झालेल्या नफावसुलीने सोने आणि चांदीमध्ये मोठी घसरण झाली होती.
  • सोने जवळपास ७०० रुपयांनी घसरले होते तर चांदी ३०० रुपयांनी स्वस्त झाली.
  • आज दोन्ही मौल्यवान धातूंनी आठवड्याची सकारात्मक सुरुवात केली आहे.

मुंबई : गेल्या आठवड्यात दसऱ्याच्या दिवशी झालेल्या नफावसुलीने सोने आणि चांदीमध्ये मोठी घसरण झाली होती. सोने जवळपास ७०० रुपयांनी घसरले होते तर चांदीमध्ये ३०० रुपयांची घसरण झाली होती. आज दोन्ही मौल्यवान धातूंनी आठवड्याची सकारात्मक सुरुवात केली आहे. आज कमॉडिटी बाजारात सोने ९५ रुपयांनी तर चांदी २१९ रुपयांनी महागली आहे.

चूक सुधारण्याची संधी ; या कारणामुळे इक्विटी फंडात गुंतवणूकदारांचे अडकलेत २ लाख कोटी
सध्या मल्टी कमॉडिटी एक्सचेंजमध्ये १० ग्रॅम सोन्याचा भाव ४७२९५ रुपये आहे. त्यात ८२ रुपयांची वाढ झाली आहे. तत्पूर्वी सोने ४७३१२ रुपयांपर्यंत वाढले होते. आज एक किलो चांदीचा भाव ६३४९० रुपये असून त्यात २१९ रुपयांची वाढ झाली आहे.

भाव कमी, खरेदी जोरात ; सहामाहीत सोने आयात तब्बल चार पटीने वाढली
गेल्या आठवड्याच्या शेवटच्या सत्रात शुक्रवारी सोने आणि चांदीला नफेखोरीची झळ बसली होती. सोन्याचा भाव ६६८ रुपयांनी कमी झाला आणि तो ४७२१४ रुपयांवर स्थिरावला होता. बाजार बंद होताना चांदीमध्ये देखील ३१५ रुपयांची घसरण झाली आणि चांदीचा भाव ६३२४० रुपयांवर स्थिरावला होता. तत्पूर्वी चार सत्रातील तेजीने सोने ४८ हजारांवर गेले होते.

जीडीपीत होणार सुधारणा; ‘डीएसपी’चा टी.आय.जी.ई.आर. फंड गुंतवणुकीसाठी खुला
Goodreturns या वेबसाईटनुसार आज सोमवारी मुंबईत २२ कॅरेट सोन्याचा भाव ४७०७० रुपये आहे. २४ कॅरेटचा भाव ४८०७० रुपयांवर स्थिर आहे. आज दिल्लीत २२ कॅरेट सोन्याचा भाव ४६३३० रुपये आहे. २४ कॅरेटसाठी सोन्याचा भाव ५०५४० रुपये इतका आहे. आज चेन्नईत २२ कॅरेटसाठी ४४६३० रुपये तर २४ कॅरेट सोन्याचा भाव ४८६९० रुपये आहे. कोलकात्यात आज २२ कॅरेट सोन्याचा भाव ४६७३० रुपये असून २४ कॅरेट सोन्याचा भाव ४९४३० रुपये इतका आहे.

सोन्यामध्ये गुंतवणूक करता : ‘सेबी’ने आखलेली नवीन चौकट काय? कसा होईल परिणाम
यूएस बॉण्ड यिल्डमध्ये वाढ झाल्याने आज जागतिक कमॉडिटी बाजारात सोन्याचा भाव वधारला आहे. आज सोने ०.२ टक्क्यांनी वधारून १७७०.२६ डॉलर प्रती औंस झाले. चांदीमध्ये देखील ०.२ टक्क्यांची वाढ झाली असून प्रती औंस चांदीचा भाव २३.३४ डॉलर झाला आहे. अमेरिकन अर्थव्यवस्था पूर्वपदावर येत आहे. सप्टेंबरमध्ये विक्रीची आकडेवारी अपेक्षेपेक्षा चांगली असल्याने बॉण्ड यिल्डमध्ये मोठी वाढ झाल्याचे दिसून आले.



Source link

Leave a Reply

Your email address will not be published. Required fields are marked *

%d bloggers like this: