Sharad Pawar: उद्धव ठाकरेंना मुख्यमंत्री व्हायचं नव्हतं, मी सक्ती केली!; पवार फडणवीसांना म्हणाले…


हायलाइट्स:

  • उद्धव ठाकरेंना मुख्यमंत्री व्हायचं नव्हतं, मीच सक्ती केली.
  • शरद पवार यांनी पुन्हा सांगितला संपूर्ण घटनाक्रम.
  • देवेंद्र फडणवीस यांनी केलेला दावा फेटाळला.

पिंपरी: शिवसेनाप्रमुख बाळासाहेब ठाकरे जीवलग आणि दिलदार मित्र होते. त्यांचे महाराष्ट्रासाठी मोठे योगदान असल्यामुळे उद्धव ठाकरे यांची इच्छा नसतानाही मित्राच्या चिरंजीवाचा (उद्धव ठाकरे) मुख्यमंत्रिपदासाठी मी सक्तीने हात वर केला. त्यामुळे ठाकरे यांची मुख्यमंत्री व्हायची महत्त्वाकांक्षा होती, या माजी मुख्यमंत्री देवेंद्र फडणवीस यांच्या आरोपात तथ्य नाही, असे ज्येष्ठ नेते शरद पवार यांनी स्पष्ट केले. ( Sharad Pawar On Uddhav Thackeray )

वाचा: महाराष्ट्र अस्थिर करण्याचा प्रयत्न!; पवारांचा मोदी सरकारवर गंभीर आरोप

शरद पवार दोन दिवसांच्या पिंपरी-चिंचवड दौऱ्यावर आहेत. त्यांनी राष्ट्रवादी काँग्रेसच्या आजी-माजी नगरसेवकांच्या बैठकीच्या पार्श्वभूमीवर प्रसारमाध्यमांच्या प्रतिनिधींशी संवाद साधला. खासदार डॉ. अमोल कोल्हे, आमदार अण्णा बनसोडे, पक्षाचे शहराध्यक्ष संजोग वाघेरे-पाटील, माजी आमदार विलास लांडे, आझमभाई पानसरे यावेळी उपस्थित होते.

मुख्यमंत्री उद्धव ठाकरे यांनी भाबडेपणाचा मुखवटा उतरवला पाहिजे. मुख्यमंत्रिपदाची त्यांची महत्त्वाकांक्षा होती, ती त्यांनी पूर्ण केली. आता त्याला तत्वज्ञानाची जोड देत आहेत. ते त्यांनी थांबवावे अशी टिका विरोधी पक्षनेते देवेंद्र फडणवीस यांनी केली होती. त्याचा खरपूस समाचार पवार यांनी घेतला. ते म्हणाले, ‘राज्यात महाविकास आघाडीचे सरकार स्थापन करण्यात माझा किंचित सहभाग होता. नेतृत्व कोणी करायचे याबाबत दोन ते तीन नावे समोर आली होती. उद्धव ठाकरे तयार होत नव्हते. ते आमदारांच्या बैठकीत माझ्या शेजारी बसले होते. बाळासाहेब ठाकरे यांच्याशी जिव्हाळ्याचे संबंध होते. त्यांचे महाराष्ट्रासाठी मोठे योगदान आहे. उद्धव यांची अजिबात इच्छा नसताना दिलदार मित्राच्या चिरंजीवाचा आपण मुख्यमंत्रिपदासाठी सक्तीने हात वर करत त्यांच्या नावाची घोषणा केली. त्यामुळे ठाकरे यांना स्वतः मुख्यमंत्री व्हायचे होते. या फडणवीस यांच्या आरोपात तथ्य नाही. त्यांनी चुकीचे आरोप करू नयेत.’

वाचा: महाराष्ट्रात पुढचं सरकार कुणाचं असेल?; शरद पवार यांनी केलं मोठं विधान

सरकारमधील काही मंत्र्यांकडे वसुली करण्यासाठी सॉफ्टवेअर असल्याचे फडणवीस म्हणाले होते. या आरोपालाही पवार यांनी उत्तर दिले असून, वसुलीची ती चीप अथवा सॉफ्टवेअर असेल तर त्यांनी दाखवावे. आमच्या ज्ञानामध्ये भर पडेल, असे पवार म्हणाले.

मुख्यमंत्र्याची पद्धत वेगळी

प्रत्येकाची काम करण्याची वेगळी पद्धत असते. मी मुख्यमंत्री असताना एखादी घटना घडल्यास तत्काळ घटनास्थळी जात होतो. मुख्यमंत्री उद्धव ठाकरे यांची कामाची पद्धत वेगळी असते. ते संकटकाळात जागेवर बसून निर्णय घेतात. अतिवृष्टीसह एकामागून एक संकटे महाराष्ट्रावर आली. मुख्यमंत्री ठाकरे आणि त्यांच्या सहाकाऱ्यांनी पूर्ण ताकदीनिशी मुकाबला केला. करोनाच्या संकटकाळात प्रयत्नांची पराकाष्ठा केली. जनतेला संकटातून बाहेर काढले. त्यामुळे घरी बसून काम करतात. यावरून ठाकरे यांच्यावर टीका-टिप्पणी करणे योग्य नसल्याचेही पवार यांनी स्पष्ट केले.

वाचा: तर राजकारणातून बाहेर पडलो असतो!; उद्धव ठाकरे फडणवीसांना काय म्हणाले?



Source link

Leave a Reply

Your email address will not be published. Required fields are marked *

%d bloggers like this: