इंधन दरवाढ नॉनस्टॉप ; आज पुन्हा पेट्रोल-डिझेल महागले, जाणून घ्या आजचा दर


हायलाइट्स:

  • पेट्रोलियम कंपन्यांनी इंधन दरवाढीचा सपाटा लावला आहे.
  • आज शुक्रवारी कंपन्यांनी पेट्रोल आणि डिझेल दरात प्रत्येकी ३५ पैशांची वाढ केली.
  • या दरवाढीनंतर मुंबईत पेट्रोल १११ रुपयावर गेले आहे.

मुंबई : पेट्रोलियम कंपन्यांनी इंधन दरवाढीचा सपाटा लावला आहे. आज शुक्रवारी कंपन्यांनी पेट्रोल आणि डिझेल दरात प्रत्येकी ३५ पैशांची वाढ केली. चालू महिन्यात तीन दिवस वगळता उर्वरित १२ दिवस दरवाढ करण्यात आली आहे. या दरवाढीनंतर मुंबईत पेट्रोल १११ रुपयावर गेले आहे. तर स्पीड पेट्रोल ११४ ते ११५ रुपयांच्या दरम्यान मिळत आहे.

गोल्ड लोन झालं स्वस्त ; सार्वजनिक क्षेत्रातील या बँंकेने सणासुदीला कमी केला व्याजदर
आजच्या भाववाढीनंतर मुंबईत एक लीटर पेट्रोलचा भाव १११.०९ रुपये झाला आहे. दिल्लीत पेट्रोल १०५.१४ रुपये आहे. चेन्नईत पेट्रोलचा भाव १०२.४० रुपये इतका आहे. कोलकात्यात एक लीटर पेट्रोल १०५.७६ रुपये आहे. भोपाळमध्ये साध्या पेट्रोलचा भाव ११३.७३ रुपये असून बंगळुरात पेट्रोल १०८.८० रुपये झाले आहे.

सोने ७०० रुपयांनी महागले ;दसऱ्याच्या पूर्वसंध्येला सोने झळाळले, जाणून घ्या आजचा भाव
आज मुंबईत एक लीटर डिझेलचा भाव १०१.७८ रुपये झाला आहे. दिल्लीत डिझेल ९३.८७ रुपये इतका वाढला आहे. चेन्नईत ९८.२६ रुपये आणि कोलकात्यात डिझेलचा भाव ९६.९८ रुपये प्रती लीटर इतका आहे. भोपाळमध्ये डिझेलचा भाव १०३.०३ रुपये असून बंगळुरात डिझेल ९९.६३ रुपये आहे.

मुकेश अंबानींची टॉप-१० मध्ये झेप ; वॉरेन बफे यांना टाकलं मागे, केला नवा विक्रम
कंपन्यांनी दरवाढीचा सपाटा लावल्याने ऑक्टोबरमध्ये पेट्रोल ३.५० रुपयांनी महागले आहे तर डिझेल ४ रुपयांनी महागले आहे. अमेरिकन बाजारात गुरुवारी ब्रेंट क्रूडचा भाव ०.८२ डॉलरने वधारला आणि ८४ डॉलर प्रती बॅरल झाला. डब्ल्यूटीआय क्रूडचा भाव ०.८७ डॉलरने वधारून ८१.३१ डॉलर प्रती बॅरल झाला.

एकीकडे देशात कोळसा टंचाई सदृश्य परिस्थिती निर्माण झाली असताना इतर इंधन दरात होणारी वाढ नजीकच्या काळात महागाईचा पारा वाढण्यास कारणीभूत ठरेल, असा अंदाज जाणकार व्यक्त करत आहेत. करोना संकट कमी झाल्याने सरकारकडून वाहतुकीवरील निर्बंध शिथिल केले आहेत. बहुतांश राज्यांमध्ये जनजीवन पूर्वपदावर येत असून बाजारपेठा खुल्या झाल्या आहेत. परिणामी देशात इंधन मागणीत देखील प्रचंड वाढ झाली आहे.



Source link

Leave a Reply

Your email address will not be published. Required fields are marked *

%d bloggers like this: