IMF ने व्यक्त केली चिंता; करोनाच्या नव्या व्हेरियंटचे जगभरात होणार गंभीर परिणाम


हायलाइट्स:

  • करोना विषाणूच्या नवीन व्हेरियंटच्या उदयामुळे अनिश्चितता वाढली आहे.
  • जागतिक अर्थव्यवस्थेच्या पुनर्प्राप्तीच्या गतीवर परिणाम होण्याची भीती आहे.
  • असे आंतरराष्ट्रीय नाणेनिधीने (आयएमएफ) म्हटलं आहे.

नवी दिल्ली : करोना विषाणूच्या नवीन व्हेरियंटच्या उदयामुळे अनिश्चितता वाढली आहे. त्यामुळे जागतिक अर्थव्यवस्थेच्या पुनर्प्राप्तीच्या गतीवर परिणाम होण्याची भीती आहे, असे आंतरराष्ट्रीय नाणेनिधीने (आयएमएफ) गुरुवारी (१४ ऑक्टोबर) स्पष्ट केले. आयएमएफने आपल्या वार्षिक बैठकीच्या समाप्तीनंतर प्रसिद्ध केलेल्या निवेदनात म्हटले आहे की, “करोना विषाणूच्या उदयामुळे अनिश्चितता वाढली आहे आणि पुनरुज्जीवनाच्या मार्गातदेखील जोखीम वाढली आहे.” केंद्रीय अर्थमंत्री निर्मला सीतारामन यांनीही या बैठकीला हजेरी लावली होती.

वैयक्तिक कर्ज घेताय ; ‘या’ कंपनीने सुरु केलं डिजीटल कर्ज, फोनवर होणार उपलब्ध
आयएमएफने म्हटले आहे की, “करोना महामारीचे हे संकट दारिद्र्य आणि असमानता वाढवत आहे. तर दुसरीकडे हवामान बदल आणि इतर सामान्य आव्हाने यांचाही दबाव वाढत आहे. ज्याकडे आपण सर्वांनी तत्काळ लक्ष देण्याची आवश्यकता आहे.” करोनासारख्या महामारीला रोखण्यासाठी सार्वत्रिक लसीकरणाला गती देण्याची गरज आहे आणि अशा परिस्थितीत परिस्थितीत आंतरराष्ट्रीय सहकार्य आणि तत्काळ कारवाईवरही भर दिला पाहिजे.

तरुणाई बिटकॉइन, OTT च्या आहारी; सरसंघचालक मोहन भागवत यांनी व्यक्त केली चिंता, केली ही मागणी
गरिबी आणि विषमता वाढली
आयएमएफ वार्षिक बैठकीचे अध्यक्षपद भूषवले त्या स्वीडनच्या अर्थमंत्री मॅग्डालेना अँडरसन यांनी बैठकीनंतर पत्रकारांशी संवाद साधला. त्या वेळी त्या म्हणाल्या की, ”या साथीच्या रोगाने जागतिक स्तरावर गरिबी आणि असमानता वाढवली आहे. या बैठकीत मजबूत आंतरराष्ट्रीय सहकार्य आणि सार्वत्रिक लसीकरणासाठी त्वरित कारवाई करावी, यावर भर देण्यात आला.”

इंधन दरवाढ नॉनस्टॉप ; आज पुन्हा पेट्रोल-डिझेल महागले, जाणून घ्या आजचा दर
हवामान बदलाकडे लक्ष देण्याची गरज
अँडरसन म्हणाल्या की, अलीकडील काही वर्षात हवामान बदलाचा दबावही वाढत आहे आणि त्यावर त्वरित लक्ष देण्याची गरज आहे. पॅरिस कराराच्या अनुषंगाने हवामानविषयक कारवाईला अधिक गती देण्यासाठी या बैठकीत एक मजबूत वचनबद्धतेची गरज व्यक्त करण्यात आली. दरम्यान, आयएमएफने जागतिक आर्थिक पुनरुज्जीवनात सध्याच्या कोरोना व्हायरस महामारी आणि महागाईच्या प्रादुर्भावामुळे निर्माण होणाऱ्या वाढत्या धोक्यांबाबत इशारा दिला आहे.

गरीब देशांमध्ये लसीकरणासाठी करा मदत
श्रीमंत देशांनी गरीब देशांमध्ये कोरोना व्हायरस रोखण्यासाठी लसीकरणाला गती देण्यासाठी अधिक प्रयत्न करण्याचे आवाहन जागतिक संघटनेने केले. आणि फेडरल रिझर्व्ह आणि इतर केंद्रीय बँकांना सध्याच्या महागाईचा दबाव तात्पुरता सिद्ध न झाल्यास त्वरीत कार्यवाही आणि महामारी रोखण्यासाठीचे उपाय करावेत, असे आवाहनही केले. आयएमएफने आपल्या निवेदनात श्रीमंत आणि गरीब देशांमधील लसीकरणाच्या दरामध्ये मोठ्या फरकाबद्दल चिंता व्यक्त केली आहे.



Source link

Leave a Reply

Your email address will not be published. Required fields are marked *

%d bloggers like this: