धोनी-
केकेआरविरुद्ध नाणेफेकीसाठी मैदानावर येताच चेन्नई सुपर किंग्जचा कर्णधार महेंद्र सिंह धोनी एक मोठा विक्रम स्वत:च्या नावावर करेल. टी-२० क्रिकेटच्या इतिासात आजवर कोणाल न जमलेला विक्रम धोनी आज करेल. आजची लढत कर्णधार म्हणून धोनीची ३००वी मॅच आहे. त्याने आतापर्यंत टी-२० मध्ये २९९ सामन्यात नेतृत्व केले आहे. अशी कामगिरी करणारा तो जगातील पहिला कर्णधार ठरले.
वाचा- IPL फायनल: कोणाचे पारडे जड? असे आहे पिच, हवामान आणि रेकॉर्ड
रायडू-
चेन्नई सुपर किंग्जचा स्टार फलंदाज अंबाती रायडूने आयपीएलमध्ये आतापर्यंत १६४ सामने खेळले आहेत. त्यामध्ये त्याने ३ हजार ९१६ धावा केल्या आहेत. त्याची सरासरी २९.४४ इतकी आहे. नाबाद १०० ही त्याची सर्वोत्तम धावसंख्या आहे. आजच्या लढतीत त्याने ८४ धावा केल्यास तो चेन्नईकडून ४ हजार धावा करणारा चौथा फलंदाज ठरले.
वाचा- IPL फायनलमध्ये चेन्नई सुपर किंग्जचा पराभव निश्चित; या एका गोष्टीचे धोनीकडे उत्तर नाही
ऋतुराज गायकवाड-
चेन्नईचा युवा सलामीवीर ऋतुराज गायकवाडने या हंगामात शानदार कामगिरी केली आहे. आजच्या लढतीत त्याने फक्त २३ धावा केल्यास तो सर्वाधिक धावा करणाऱ्या केएल राहुलला मागे टाकले आणि त्याच बरोबर ऑरेंज कॅप देखील मिळवले. सर्वात लहान वयात ऑरेंज कॅप मिळवणारा तो खेळाडू होऊ शकतो. सध्या हा विक्रम पंजाब किंग्जचा माजी सलामीवीर शॉन मार्गच्या नावावर आहे. त्याने २५व्या र्षी २००८ साली ६१६ धावा करत ऑरेंज कॅप मिळवली होती. गायकवाडने आता ६०३ धावा केल्या असून तो २४ वर्षाचा आहे.
