अर्थव्यवस्था संकटात, देशभर आंदोलन; श्रीलंकेत आणीबाणी लागू, राष्ट्रपती गोतबाया राजपक्षेंची घोषणा


कोलंबो : श्रीलंकेची अर्थव्यवस्था (Sri Lanka economic crisis) संकटात आल्यानंतर देशभरात राजकीय अस्थिरतेचं वातावरण निर्माण झालं होतं. विरोधी पक्षांच्या नेत्यांनी राष्ट्रपती गोतबाया राजपक्षे (Gotabaya Rajapaksa) आणि पंतप्रधान महिंदा राजपक्षे ( Mahinda Rajapaksa) यांच्या राजीनाम्याची मागणी केली होती. देशभरात राजपक्षे सरकारविरोधात आंदोलन करण्यात येत होतं. अखेर श्रीलंकेचे राष्ट्रपती गोतबाया राजपक्षे यांनी देशात आणीबाणी (Sri Lanka Emergency News ) लागू केली आहे. देशातील बिघडत असलेली स्थिती आणि राजकीय अस्थिरतेमुळं हा निर्णय घेण्यात आला आहे. गोतबाया राजपक्षे यांनी गेल्या काही दिवसांपूर्वी पंतप्रधान महिंदा राजपक्षे यांना हटवून सर्वपक्षीय काळजीवाहू सरकारची स्थापन करणार असल्याचं जाहीर केलं होतं. त्या सरकारमध्ये विरोधी पक्षांना देखील सहभागी करुन घेणार असल्याचं त्यांनी म्हटलं होतं.

विरोधी पक्षांकडून महिंदा राजपक्षेंच्या राजीनाम्याची मागणी

श्रीलंकेतील सत्ताधारी पक्षाच्या नेत्यांनी देखील पंतप्रधान महिंदा राजपक्षे यांच्या राजीनाम्याची मागणी केली होती. पंतप्रधानांचा राजीनामा घेऊन सर्वपक्षीय सरकारची स्थापना करण्यात यावी, अशी मागणी विरोधी पक्षांच्या नेत्यांकडून करण्यात येत होती. दुसरीकडे महिंदा राजपक्षे यांनी त्यांच्याकडे बहुमत असल्याचा दावा केला आहे. गुरुवारी श्रीलंकन संसदेत उपाध्यक्ष पदासाठी झालेल्या निवडणुकीत राजपक्षे समर्थक उमेदवाराचा विजय झाला. हा विजय राजपक्षे कुटुंबासाठी महत्त्वाचा मानला जात आहे.
भारत आणि फ्रान्सची चीनविरुद्ध एकजूट, नरेंद्र मोदी इमॅन्युएल मॅक्रॉन यांच्या बैठकीत मोठा निर्णय
श्रीलंका दिवाळखोरीच्या वाटेवर

श्रीलंकेच्या अर्थव्यवस्थेला करोना संसर्गामुळं मोठा फटका बसला आहे. श्रीलंकेची अर्थव्यवस्था पर्यटनावर अवलंबून होती, मात्र करोनामुळं पर्यटन बंद झाल्यानं आर्थिक झळ बसली आहे. श्रीलंकेनं यामुळं आंतरराष्ट्रीय संस्थाकडून घेतलेल्या कर्जाची परतफेड करणं थांबवलं आहे. आंतरराष्ट्रीय नाणेनिधीकडे श्रीलंकेनं मदतीची मागणी केली आहे. या वर्षी, आयएमएफकडे श्रीलंकेला कर्जापोटी ७ अब्ज अमेरिकन डॉलर्स इतकी रक्कम जमा करायची आहे. तर २०२६ पर्यंत २५ अब्ज डॉलर्स जमा करायचे आहेत. मात्र, श्रीलंकेकडे केवळ एक अब्ज अमेरिकन डॉलर्स इतकं परकीय चलन शिल्लक आहे.

रशियाला मोठा धक्का, अत्याधुनिक T-90M रणगाडा यूक्रेनकडून उद्ध्वस्त, भारताची चिंता वाढणार?
श्रीलंकेतील सामान्य जनतेनं आर्थिक संकटाला राजपक्षे कुटुंबाला जबाबदार धरलं आहे. राजपक्षे यांच्या विरोधात लोकांमध्ये असंतोष वाढू लागला आहे. श्रीलंकेचे पंतप्रधान, राष्ट्रपती, संरक्षणमंत्री, अर्थमंत्री आणि खेळ मंत्री ही पदं राजपक्षे कुटुंबाकडे आहेत. त्यामुळं देशातील सामान्य जनतेनं आर्थिक संकटासाठी राजपक्षे कुटुंबाला जबाबदार ठरवत त्यांच्या विरोधात आंदोलन सुरु केलं आहे. देशात सुरु असलेल्या आंदोलनाच्या दबावामुळं महिंदा राजपक्षे यांनी अर्थमंत्री बेसिल राजपक्षे यांना पदावरुन हटवलं आहे.



Source link

Leave a Reply

Your email address will not be published.