मुंबई : अल्प उत्पन्न गटातील बहुतांश भारतीय वैयक्तिक कर्जासारख्या नियमित वित्तीय सेवांपासून अद्यापही वंचित आहेत. बँकींग सेवेचा अतिशय अल्प प्रमाणात पर्याय असलेली छोटी गावे आणि खेड्यांमध्ये ही वास्तविकता आहे. याचबरोबर बँकींग सेवेचे पर्याय विस्तारण्याची प्रक्रिया खुप वेळखाऊ आणि त्रासदायक आहे. नीरा कंपनीने दरमहा दहा हजार रुपयांच्या आसपास उत्पन्न असणाऱ्या व्यक्तींना विनातारण पाच हजार रुपयांचे कर्ज वितरण सुरु केलं आहे.

गोल्ड लोन झालं स्वस्त ; सार्वजनिक क्षेत्रातील या बँंकेने सणासुदीला कमी केला व्याजदर
गेल्या काही वर्षात डिजीटल वैयक्तिक कर्जाचा विस्तार झपाट्याने झालेला आपल्याला दिसत असून ग्राहक त्यांची संपुण अर्जप्रक्रिया त्याच्या फोनवरिल अॅपच्या माध्यमातून पुर्ण करु शकतात. डिजीटल अॅप ग्राहकांमध्ये खुपच लोकप्रिय झाले असले तरी या क्षेत्राची बाजारपेठ अद्यापही बाल्यावस्थेत आहे. या अॅपबद्दल अद्यापही पुरेशी जनजागृती झालेली नाही. लोक या अॅपबद्दल इतरांकडून माहिती ऐकतात. तसेच त्यांच्यामध्ये अॅपबद्दल अद्यापही अनेक गैरसमजुती आहेत. प्रमुख महानगरातील लोकांसाठी हे डिजीटल कर्ज उपलब्ध आहे किंवा कर्ज मिळण्यास पात्र ठरण्यासाठी उत्पन्न किमान २० हजार रुपयांपेक्षा अधिक पाहिजे, आदी गैरसमजुती त्यांच्या मनात रुजलेल्या आहेत.

पेमेंट करणं झालं सोप्प; फोन पे, एसबीआय आणि ICICIमध्ये सेट करा ऑटो-पे
नीरासारख्या कंपन्या दरमहा दहा हजार रुपयांच्या आसपास उत्पन्न असणाऱ्या व्यक्तींना विनातारण पाच हजार रुपयांचे कर्ज वितरित करते. फोनच्या माध्यमातून अतिशय झटपट आणि सहजरित्या अर्जाची प्रक्रिया पुर्ण होते आणि यासाठी कोणत्याही कागदपत्रांची गरज भासत नाही. कर्जदाराला जामीनासाठी कोणतीही मालमत्ता अथवा सुरक्षा सादर करावी लागत नाही आणि त्यांच्या बँक खात्यात अवघ्या २४ तासात कर्जाची रक्कम जमा होते.

इंधन दरवाढ नॉनस्टॉप ; आज पुन्हा पेट्रोल-डिझेल महागले, जाणून घ्या आजचा दर
बाजारात उपलब्ध असलेल्या कर्जपर्यायांच्या तुलनेत या कर्जासाठीचा व्याजदर अतिशय माफक असून हेच या पर्यायाचे वैशिष्ट आहे. नीराचे व्याजदर हे सावकार किंवा तारणदारांकडून आकारल्या जाणाऱ्या व्याजाच्या एक तृतींयाशपर्यंत कमी आहे. कर्जाच्या मागणी अद्यापही मोठ्या प्रमाणात पुर्ण होत नसल्याने छोट्या गावांवर कंपन्या आता आपले लक्ष केंद्रीत करत आहेत. नीराचे ७० टक्क्यांपेक्षा अधिक ग्राहक हे टियर टू, थ्री आणि फोर सारख्या लहान शहरे आणि गावांतील आहेत.

दरमहा बचत करणे अल्प उत्पन्न गटातील भारतीयांना खुपच अवघड जाते. त्यामुळे कोणताही नियोजनबाह्य खर्च अथवा वैद्यकीय खर्चासारखे आकस्मिक खर्च त्यांचे आर्थिक गणित आणि जीवन बिघडून टाकते. सहज उपलब्धता आणि सर्वात महत्वाचे म्हणजे डिजीटल लोन पर्यायांबाबत उत्तम जनजागरुकता हजारो भारतीयांना जाणवत असलेल्या अडचणी सोडवू शकतात आणि बिकट आर्थिक परिस्थितीतून यशस्वीरित्या बाहेर पडण्यास त्यांना मदत करत आहेत.