केंद्र सरकारने जीडीपीमधून २३ लाख कोटी रुपये कमावले आहेत. जीडीपी म्हणजे – गॅस, पेट्रोल, डिझेल. हे २३ लाख कोटी रुपये कुठे गेले? तुमच्या खिशातून जो पैसा काढला जातोय, तो कुठे आहे? हा प्रश्न जनतेने विचारला पाहिजे. पैसा घेतला जातोय. तर मग तो कुठे जातो? असा प्रश्न त्यांनी उपस्थित केला आहे.
माजी केंद्रीय अर्थमंत्री पी. चिदम्बरम यांनीही केंद्र सरकारवर निशाणा साधला होता. केंद्रातील एनडीए सरकारला हटवण्याची अनेक कारणं आहे. सर्वात मोठं कारण म्हणजे महागाई. महागाईमुळे हे एनडीएला सत्तेतून बाहेर केले पाहिजे. कच्च्या तेलाच्या किंमती वाढणं आणि जीवनावश्यक वस्तू आणि दैनंदिन वस्तूंच्या किंमतींमध्ये झालेली मोठी वाढ यांच्यातील संबंध हे मूल देखील समजावून सांगू शकतं, असं चिदम्बरम म्हणाले.
BSF Power Jurisdiction: BSF अधिकार बदलांवरून आपांपसात भिडले पंजाबचे आजी-माजी मुख्यमंत्री
सप्टेंबरमध्ये घाऊक महागाई दर कमी
सप्टेंबरमध्ये घाऊक महागाई दर ४.३५ टक्क्यांवर आला आहे. जो ऑगस्टमध्ये ५.३ टक्के होता. सप्टेंबर २०२१ मध्ये महागाई दर सुमारे एक टक्क्याने खाली आला आहे. ही सामान्यांसाठी दिलासादायक बातमी आहे. राष्ट्रीय सांख्यिकी कार्यालयाने (एनएसओ) मंगळवारी सप्टेंबर महिन्याची घाऊक महागाईची आकडेवारी जाहीर केली. घाऊक महागाई कमी होण्याचे सर्वात मोठे कारण म्हणजे खाद्यपदार्थांचे कमी झालेले दर असल्याचं तज्ज्ञांचे म्हणणे आहे.
