आयपीएल २०२१चा पहिला टप्पा कोलकाता नाईट रायडर्ससाठी तितकासा चांगला नव्हता. संघ स्पर्धेतून बाद जातो की काय अशी एकवेळ परिस्थिती निर्माण झाली होती, पण यूएईमध्ये पार पडलेल्या दुसऱ्या टप्प्यात संघाने जबरदस्त पुनरागमन तर केलेच, पण आता अंतिम फेरीतही स्थान मिळवले आहे. केकेआर गुणतालिकेत चौथ्या स्थानावर आहे. त्यांनी पहिल्या एलिमिनेटर सामन्यात विराट कोहलीच्या नेतृत्वाखालील रॉयल चॅलेंजर्स बेंगळुरूचा पराभव केला आणि नंतर दिल्ली कॅपिटल्ससारख्या बलाढ्य संघाला दुसऱ्या पात्रता सामन्यात पराभूत करत अंतिम फेरी गाठली.