नवी दिल्ली : आम आदमी पक्ष, डीएमके, जनता दल युनायटेड, शिवसेना यांच्यासह १४ प्रादेशिक पक्षांनी त्यांना निवडणूक रोख्यांच्या रूपात मिळलेली देणगी जाहीर केली आहे. ‘असोसिएशन ऑफ डेमोक्रटिक रिफॉर्म्स’ने तयार केलेल्या अहवालात हा तपशील जाहीर केला आहे.

सन २०१९-२० या वर्षात मिळालेल्या या रोख्यांची किंमत ४४७.४९ कोटी रुपये आहे. शिवसेनेला १११.४० कोटींचे निवडणूक रोखे मिळाले आहेत.

सन २०१९-२० या वर्षात ४२ प्रादेशिक पक्षांना एकूण ८७७.९५७ कोटींचे उत्पन्न मिळाले. यात सर्वाधिक देणगी ही १३०.४६ कोटींची असून, एकूण उत्पन्नात त्याचा वाटा १४.८६ टक्के आहे. शिवसेनेला १११.४०३ कोटी रुपये मिळाले असून, हा वाटा १२.६९ टक्के आहे.

तर वायएसआर काँग्रेसला ९२.७३९ कोटी मिळाले असून, हे प्रमाण १०.५६ टक्के आहे. ४२ प्रादेशिक पक्षांपैकी १४ पक्षांना ४४७.४९८ कोटींचे निवडणूक रोखे मिळाली असून, एकूण उत्पन्नात हा वाटा ५०.९७ टक्क्यांचा आहे.

टीआरएस, तेलगू देसम पक्ष, वायएसआर काँग्रेस, बिजू जनता दल, डीएमके, शिवसेना, आप, जेडीयू, सप, जेडीएस, एसएडी, अण्णा द्रमुक, राष्ट्रीय जनता दल, झारखंड मुक्ती मोर्चा या १४ पक्षांना अधिक देणगीवाटा मिळाला.

₹ ४,४४,४४,४४४ किंमतीच्या चलनी नोटांनी सजलं मातेचं मंदिर!
it raids : नोटांच्या बंडलनी खच्चून भरले कपाट! IT च्या छाप्यात १४२ कोटींची रोकड जप्त