केलबनं त्याच्या मोबाईलमधील स्विगीचं ऍप उघडलं. मॅक्डॉनल्डसच्या समोर उभा राहून त्यानं ऑर्डर केली. पत्त्याच्या जागी त्यानं मॅक्डॉनल्डसच्या बाहेर लिहिलं. थोड्याच वेळात त्याला ऑर्डर मिळाली. मॅक्डॉनल्डसमधून डिलिव्हरी बॉय निघाला, जिना उतरला, त्याच्या समोरच केलब उभा होता. त्यामुळे डिलिव्हरी बॉयला केलबपर्यंत ऑर्डर पोहोचवायला केवळ १० सेकंद लागली. केलबनं हा किस्सा ट्विटरवर शेअर केला आहे.
या ट्विटवर अनेक प्रतिक्रिया आहेत. अनेकांनी केलबच्या हुशारीचं कौतुक केलं आहे. चॅट जीपीटी असो वा एआय टूल कोणीही मानवी मेंदूची जागा घेऊ शकत नाही, अशा आशयाच्या प्रतिक्रिया ट्विटखाली वाचायला मिळत आहेत. ‘रेस्टॉरंट बंद झाल्यानं आईसटी देऊ शकत नसल्याचं मला बर्गरकिंगनं सांगितलं. त्यानंतर मी स्विगीवरून ऑर्डर केली, तीही बर्गरकिंगच्या पायऱ्यांवर बसून,’ असा अनुभव एका तरुणीनं शेअर केला आहे. थोडक्यात काय केलबनं वापरलेली आयडिया अनेकांना आवडली आहे.
