Covid19: करोनापासून बचावासाठी कोणता मास्क सर्वोत्तम? तज्ज्ञांचा नागरिकांना सल्ला…


हायलाइट्स:

  • सीडीसी अधिकाऱ्यांकडून नागरिकांना मास्कच्या वापराबाबत मार्गदर्शन
  • एन ९५ किंवा केएन ९५ मास्क वापरण्याचा सल्ला
  • आरोग्य सेवा कर्मचार्‍यांना प्राधान्य देण्याची गरज केली व्यक्त

न्यूयॉर्क, अमेरिका :

अमेरिकेत रुग्णालयात दाखल होणाऱ्या रुग्णसंख्येत लक्षणीय वाढ होत असल्याचं दिसून येत असतानाच आरोग्य अधिकाऱ्यांकडून नागरिकांना मास्क वापरण्याचा सल्ला दिला जातोय. अमेरिकन आरोग्य अधिकाऱ्यांनी नागरिकांना आरोग्य कर्मचाऱ्यांकडून वापरला जाणारा एन ९५ किंवा केएन ९५ मास्क वापरण्यासाठी प्रोत्साहीत करण्यात आलंय. या मास्कच्या वापरामुळे करोना संसर्गाच्या वेगावर त्वरीत नियंत्रण मिळवता येऊ शकतं, असा विश्वास त्यांनी व्यक्त केलाय.

हवेतील विषाणूंना फिल्टर करण्यासाठी आणि नागरिकांच्या शरीरापर्यंत न पोहचू देण्यासाठी एन ९५ किंवा केएन ९५ मास्क मास्कचा वापर प्रभावी ठरतो. अगोदर या मास्कचा तुटवडा दिसून आला होता. त्यामुळेच, रोग नियंत्रण आणि प्रतिबंध केंद्राच्या (CDC) अधिकाऱ्यांनी या मास्कच्या पुरवठ्यासाठी आरोग्य सेवा कर्मचार्‍यांना प्राधान्य देण्याची गरजही व्यक्त केलीय.

रोग नियंत्रण आणि प्रतिबंध केंद्राच्या अधिकार्‍यांनी शुक्रवारी दुपारी पोस्ट केलेल्या नवीन मार्गदर्शक तत्त्वात मास्कच्या पुरवठ्याच्या कमतरतेबद्दल चिंता दूर केल्या आहेत. चेहऱ्याच्या योग्य आकाराचे एन ९५ आणि केएन ९५ मास्क सर्वाधिक सुरक्षा प्रदान करत असल्याचं अधिकाऱ्यांनी अधिक स्पष्टपणे सांगितलंय.

काही मास्क इतरांच्या तुलनेत वापरण्यासाठी सहज ठरतात. त्यामुळे नागरिकांनी सतत वापरता येतील अशा मास्कची निवड करण्याचा आग्रहही सीडीसीच्या अधिकाऱ्यांनी केला आहे.

Omicron Variant: ओमिक्रॉनला रोखण्यासाठी दोन मास्कचा वापर फायदेशीर? तज्ज्ञ म्हणतात…
Covid19: अमेरिकेतील रुग्णालये भरली, चाचण्यांचं प्रमाण दुप्पट करणार
एन ९५ मास्क मोफत उपलब्ध होणार

करोना संसर्गाच्या काळात सीडीसीकडून मास्कच्या वापराबाबत अनेकदा मार्गदर्शन करण्यात येत आहे. सोबतच, प्रशासनाकडून एन ९५ सहीत उच्च गुणवत्ताधारी मास्क नागरिकांसाठी मोफत उपलब्ध करून देण्याच्या योजनेवर विचार सुरू असल्याचं राष्ट्राध्यक्ष जो बायडेन यांच्याकडून जाहीर करण्यात आलंय. पुढील आठवड्यात याबाबतचा अधिक तपशील हाती येऊ शकतो. फेडरल सरकारकडे ७५ कोटींहून अधिक एन ९५ मास्कचा साठा असल्याचं ‘व्हाईट हाऊस’कडून सांगण्यात आलंय.

आरोग्य कर्मचाऱ्यांसाठी गरजेचे

सीडीसी अधिकाऱ्यांच्या म्हणण्यानुसार, ‘सर्जिकल एन ९५’ ही मास्कची एक विशेष श्रेणी आहे. विशेषत: एखाद्या शस्रक्रियेदरम्यान विविध धोक्यांपासून संरक्षण देण्यासाठी हे मास्क तयार करण्यात आलं होतं. असे मास्क सामान्य नागरिकांना विक्रीसाठी उपलब्ध नाहीत. असे मास्क आरोग्य सेवा कर्मचार्‍यांसाठी नेहमी उपलब्ध असायला हवेत.

जगात सर्वाधिक रुग्णसंख्या अमेरिकेत

अमेरिकेत रुग्णांच्या संख्येत दररोज सरासरी ३४ टक्क्यांची वाढ दिसून येत आहे. सर्वाधिक करोनाबाधित रुग्णसंख्येचा अमेरिकेचा रेकॉर्डही कायम आहे.

‘India Out’ Campaign: ‘इंडिया आउट’ मोहीम; मालदीवमधील भारतविरोध शमणार?
Miracle Aisha: ३५ हजार फुटांच्या उंचीवर विमानातच महिलेनं दिला बाळाला जन्म



Source link

Leave a Reply

Your email address will not be published. Required fields are marked *