Miracle Aisha: ३५ हजार फुटांच्या उंचीवर विमानातच महिलेनं दिला बाळाला जन्म


हायलाइट्स:

  • कतार एअरवेजच्या विमानातील घटना
  • कतारहून युगांडाकडे विमानाचा प्रवास
  • विमान प्रवासातच चिमुरडीचा जन्म

दोहा, कतार :

कतारहून युगांडाकडे उड्डाण घेणाऱ्या एका विमानात घडलेल्या घटनेनं अनेकांना आश्चर्याचा पण सुखद धक्का दिलाय. विमानानं घेतलेल्या उड्डाणानंतर आणि रात्रभराच्या प्रवासानंतर सकाळी विमानातून उतरणाऱ्या प्रवाशांची संख्या वाढली होती… एका नव्या प्रवाशानं या रात्रभराच्या वेळेत या जगात पहिल्यांदाच पाऊल टाकलं होतं… कतार एअरवेजच्या विमानात ३५ हजार फुटांच्या उंचीवर एका बाळानं जन्म घेतला होता.

विमानातील प्रवासी आईची सुटका करणाऱ्या एका कॅनडीयन डॉक्टरनं आई आणि नवजात बालकाचा फोटो शेअर करत आपला आनंद व्यक्त केलाय. टोरंटो विद्यापीठातील प्राध्यापक डॉ. आयशा खतीब यांनीदेखील कतर एअरवेजच्या याच विमानातून उड्डाण घेतलं होतं.

‘बीबीसी’नं दिलेल्या माहितीनुसार, कतार एअरवेजच्या संबंधित विमानानं उड्डाण घेतल्यानंतर अवघ्या तासाभरातच ही घटना घडली. सौदी अरेबियातून युगांडा इथं जाणाऱ्या एका स्थलांतरित कामगार महिला तिच्या पहिल्याच अपत्याला जन्म देणार असल्याची माहिती मिळाली. यानंतर विमानातच सुरू झाला तो आई आणि बाळाची सुखरूपरित्या सुटका होण्याचा प्रवास… विमान प्रवासाच्या अखेरपर्यंत आईनं एका गोंडस बाळाला जन्म दिला.

ज्या डॉक्टरनं आई आणि बाळाची सुखरुप सुटका करण्यात मदत केली त्यांच्याच नावावरून बाळाचं नामकरण ‘मिरॅकल आयशा‘ असं करण्यात आलंय.

‘India Out’ Campaign: ‘इंडिया आउट’ मोहीम; मालदीवमधील भारतविरोध शमणार?
Covid19: अमेरिकेतील रुग्णालये भरली, चाचण्यांचं प्रमाण दुप्पट करणार
डॉ. खतीब या करोना संक्रमणाशी लढा देत असलेल्या टोरंटोच्या कार्यक्रमांत सहभागी होऊन परतत होत्या. आपल्या प्रवासाच्या तिसऱ्या टप्प्यात त्या अतिशय दमल्या होत्या. विमान प्रवासात त्या विश्रांती घेत असतानाच ‘इंटरकॉमवर विमानात कुणी डॉक्टर आहे का?’ असा प्रश्न विचारण्यात आला तेव्हा त्या तातडीनं मदतीसाठी स्वत:हून पुढे सरसावल्या.

डॉ. खतीब यांनी गर्भवती महिलेला पाहिलं तेव्हा बाळ बाहेर येण्याचा प्रयत्न करत असताना दिसलं. आणखीही काही प्रवाशांनी खतीब यांना मदत केली. यामध्ये एका ऑन्कोलॉजी नर्स आणि एका ‘डॉक्टर्स विदाऊट बॉर्डर्स’ (MSF) बालरोगतज्ज्ञांचाही समावेश होता.

जन्मानंतर लगेचच चिमुरडीनं रडायला सुरूवात केली. त्यानंतर डॉ. खतीब यांनी या चिमुरडीला बालरोग तज्ज्ञांकडे सोपवलं. यावेळी, आईचीही प्रकृती स्थिर होती.

डॉ. खतीब यांनी छोट्या आयशाला अरबी भाषेत ‘आयशा’ लिहिलेला एक सोन्याचा हारही भेट दिला. ‘या चिमुरडीजवळ त्या डॉक्टरची भेट असेल जिनं नील नदीच्या वर हवेत ३५ हजार फुटांवर डिलिव्हरीसाठी मदत केली’, अशी भावना यावेळी त्यांनी व्यक्त केली.

या चिमुरडीचा जन्म ५ डिसेंबर रोजी झाला. डॉ. खतीब यांनी तिचे फोटो नुकतेच सोशल मीडियावरून शेअर केले. डॉ. खतीब सध्या टोरंटोमध्ये कोविड रुग्णांवर उपचारात व्यग्र आहेत.

Omicron Variant: ओमिक्रॉनला रोखण्यासाठी दोन मास्कचा वापर फायदेशीर? तज्ज्ञ म्हणतात…
Watch Video: ३००० फूट उंचीवर २१७ किमी वेगानं उडणारी ‘फ्लाईंग कार’!



Source link

Leave a Reply

Your email address will not be published. Required fields are marked *