‘India Out’ Campaign: ‘इंडिया आउट’ मोहीम; मालदीवमधील भारतविरोध शमणार?


माले, मालदीव :

माजी अध्यक्ष अब्दुल्ला यामीन यांच्या पुढाकाराने सध्या मालदीवमध्ये सुरू असलेल्या ‘इंडिया आउट‘ मोहिमेला पायबंद घालण्यासाठी तेथील सरकारने पावले उचलली आहेत. मालदीवचे परराष्ट्रमंत्री अब्दुल्ला शाहीद यांनी या संदर्भात भारताला आश्वासन दिले आहे. अध्यक्ष इब्राहिम सोलीह या मोहिमेच्या विरोधात असून, चीन आणि भारत यांच्याबाबत त्यांचे धोरण संतुलित आहे, असा निर्वाळाही शाहीद यांनी दिला आहे. ‘इंडिया आउट’ मोहिमेचा आढावा…

काय आहे ‘इंडिया आउट’ मोहीम?

– मालदीवचे माजी अध्यक्ष अब्दुल्ला यामीन (२०१३ ते २०१८) हे भारताचे विरोधक म्हणून ओळखले जातात. त्यांच्या कार्यकाळात दोन्ही देशांतील संबंध ताणले गेले होते. मालदीवमधील एका भारतीय कंपनीचे कंत्राट काढून घेऊन ते चिनी कंपनीला देण्यात आले. यामीन यांच्या कारकिर्दीच्या अखेरच्या द्विपक्षीय संबंध विकोपाला गेले.

– त्यांच्या प्रोग्रेसिव्ह पार्टीच्या समर्थकांनी तीन वर्षांपासून ऑनलाइन पद्धतीने ‘इंडिया आउट’ ही भारतविरोधी प्रचार मोहीम चालवली आहे. त्याला मालदीवमधील सध्याचा सत्ताधारी पक्ष मालदीवियन डेमोक्रॅटिक पार्टीचा; तसेच अदालत पार्टीचा विरोध आहे.

VIDEO: डोनाल्ड ट्रम्प यांच्यावर ड्रोन हल्ला; इराणच्या सर्वोच्च नेत्याकडून ‘तो’ व्हिडिओ जारी
Rocket Attack: इराकमध्ये अमेरिकन दूतावासावर रॉकेट हल्ला, शाळेवर कोसळलं रॉकेट
यामीन यांना कोणाची फूस?

– यामीन हे इस्लामी मूलतत्त्ववादी विचारांकडे झुकलेले नेते आहेत. त्यांना चीनकडून फूस मिळाली होती.

– त्यांच्या काळात चीन आणि मालदीव यांचे संबंध अत्यंत मधुर झाले होते.

– चीनने मालदीवमध्ये पहिला चौपदरी महामार्ग, आंतरराष्ट्रीय विमानतळ आदी अनेक विकासकामे करून दिली.

– चीनच्या कह्यात असल्याने यामीन यांचा भारताला विरोध आहे.

– कारकिर्दीच्या अखेरच्या टप्प्यात यामीन यांनी हुकूमशाही पद्धतीने कारभार केला.

मोहीम पुन्हा सुरू होण्याचे कारण

– बेहिशेबी मालमत्ता जमविल्याच्या आरोपावरून यामीन यांना नोव्हेंबर २०१९मध्ये न्यायालयाने दोषी ठरवून पाच वर्षांच्या कारावासाची शिक्षा ठोठावली.

– त्यांना नजरकैदेत ठेवण्यात आले होते

– मालदीवच्या सर्वोच्च न्यायालयाने नुकतीच यामीन यांची मुक्तता केली. त्यानंतर भारतविरोधी प्रचार मोहिमेला बळ चढले

– सन २०२३मध्ये मालदीवमध्ये सार्वत्रिक निवडणूक होईल. त्या दृष्टीने यामीन यांचा वातावरणनिर्मितीचाही प्रयत्न असू शकतो

Rishi Sunak: नारायण मूर्तींचे जावई ऋषी सुनक होणार ब्रिटनचे नवे पंतप्रधान?
PM Imran Khan: आम्ही तुम्हाला पंतप्रधान बनवलं, इम्रान खान यांना घरचा आहेर
चीनला मालदवीमध्ये रस असण्याचे कारण

– चीनने भारताची सागरी नाकेबंदी करण्यासाठी ‘स्ट्रिंग ऑफ पर्ल्स’नावाने रणनीती आखली आहे

– त्या अंतर्गत भारताच्या शेजारी देशांना आपल्या बाजूने वळविण्याचा आणि तेथे लष्करी अस्तित्व निर्माण करण्याचा चीनचा सातत्याने प्रयत्न असतो

– मालदीव हिंदी महासागरात असल्याने त्याचे सागरी स्थान सामरिकदृष्ट्या मोक्याचे आहे

‘इंडिया आउट’ला वाढता विरोध

– सध्याचे अध्यक्ष इब्राहीम सोलीह यांना ही मोहीम अमान्य असल्याचे प्रशासनाकडून स्पष्ट

– शेजारी देशांबाबत अशा रीतीने विखारी प्रचार मोहिमा चालविण्यास अध्यक्षांचा विरोध असल्याची माहिती परराष्ट्रमंत्री अब्दुल्ला शाहीद यांनी स्थानिक माध्यमांना दिलेल्या मुलाखतीत स्पष्ट केले आहे.

– मालदीवमधील अदालत पक्ष, ज्येष्ठ संसद सदस्य महंमद अस्लम यांनी यामीन यांच्या मोहिमेला विरोध केला आहे.

– सध्याचे अध्यक्ष इब्राहीम सोलीह यांचे धोरण ‘इंडिया फर्स्ट’ असे आहे.

भारताबाबत कृतज्ञता व्यक्त

– अध्यक्षांच्या कार्यालायचे प्रमुख अली जहीर यांनी निवेदन प्रसिद्ध करून मालदीवची भूमिका स्पष्ट केली आहे

– पाच वर्षांपूर्वी आम्ही जगात एकाकी पडल्याचे चित्र होते. आमचा भर सर्व शेजारी देशांशी सलोख्याचे आणि दृढ संबंध ठेवण्यावर आहे, असे निवेदनात म्हटले आहे.

– अलीकडील एका एका मुलाखतीत जहीर यांनी भारताविषयी कृतज्ञता व्यक्त केली होती. ‘करोनाकाळात भारताने आम्हाला मोठी मदत केली,’ असे जहीर म्हणाले होते.

Omicron Variant: ओमिक्रॉनला रोखण्यासाठी दोन मास्कचा वापर फायदेशीर? तज्ज्ञ म्हणतात…
Corona Vaccine: ‘ओमिक्रॉन’विरुद्ध या लशीचा बुस्टर डोस ठरतोय अधिक प्रभावी
Covid19: अमेरिकेतील रुग्णालये भरली, चाचण्यांचं प्रमाण दुप्पट करणार



Source link

Leave a Reply

Your email address will not be published. Required fields are marked *