बँक लुटण्याचा प्रयत्न फसला; संतापलेल्या दरोडेखोरांनी केला भयंकर प्रकार


हायलाइट्स:

  • दरोडेखोरांचा बँक लुटण्याचा प्रयत्न अयशस्वी
  • महाराष्ट्र ग्रामीण बँक शाखा चोंढी ही बँक लुटण्याचा दरोडेखोरांचा प्रयत्न
  • बँकेत रोकड नसल्याचे कळल्यावर चोरट्यांनी बँकेत गोळीबार केला

हिंगोलीः जिल्ह्यामध्ये मागील काही दिवसांपासून सातत्याने दिवसाढवळ्या लूटीच्या घटना वाढल्याचे धक्कादायक प्रकार समोर आले आहेत. हिंगोलीच्या वसमत तालुक्यातील चोंडीआंबा येथे दुपारी चोंडीआंबा येथे असलेल्या महाराष्ट्र ग्रामीण बँकेच्या शाखेवर चोरट्यांनी शस्त्राचा धाक दाखवून बँक लुटण्याचा प्रयत्न केला आहे. हा सर्व चित्तथरारक प्रकार सीसीटीव्ही कॅमेरा मध्ये कैद झाला आहे.

मिळालेल्या माहितीनुसार, आज चोरट्यांनी बँकेमध्ये प्रवेश करून बँक लुटण्याचा प्रयत्न केला. मात्र त्यांचा हा प्रयत्न अयशस्वी ठरला आहे. अयशस्वी झालेल्या चोरट्यांनी रागाच्या भरात बँकेच्या दिशेने गोळीबार सुद्धा केला आहे. बँकेमध्ये रोकड नसल्यामुळे हा त्यांचा प्रयत्न अपयशी ठरला. सुदैवाने यामध्ये कुठलीही जीवितहानी झाली नसून एक गोळी बँकेच्या काचावर लागली आहे. चोरट्यांनी एकूण तीन गोळ्या बँकेच्या दिशेने झाडल्याची सुद्धा प्राथमिक माहिती आहे.

वाचाः राजकीय आखाड्यात नात्यांची परीक्षा; एकाच प्रभागात सख्ख्या जावा आमनेसामने

बंदुकीचा धाक दाखवून हा चोरीचा प्रयत्न झाला. अयशस्वी झालेल्या चोरट्यांनी दुचाकीवरून पळ काढला. घटनेची माहिती मिळताच पोलीस घटनास्थळी दाखल झाले. याच बरोबर परिसरात असलेल्या नागरिकांनी सुद्धा बँकेच्या दिशेने धाव घेतली. झालेल्या या सर्व प्रकारामुळे एकच खळबळ उडाली आहे. पोलीस या घटनेचा तपास सीसीटीव्हीच्या आधारे करत असून अद्याप तरी या प्रकरणी पोलिसात कुठलीही नोंद झाली नाही. हिंगोली येथील घटनेला पंधरा दिवस उलटले नसून हा दुसरा प्रकार घडला आहे.

वाचाः करोना रुग्णाची माहिती आरोग्य विभागाला मिळणार एका क्लिकवर; आरोग्यमंत्र्यांनी दिली महत्त्वाची माहिती

पंधरा दिवसापूर्वी हिंगोली येथील बँक मॅनेजर अविनाश कल्याणकर यांच्या घरी बंदुकीचा धाक दाखवून व त्यांच्या पत्नीला व मुला बाळांना मारहाण करून चोरट्यांनी दागिन्यांसह रोख रक्कम पळवली होती. काही दिवसातच छडा लावत पोलिसांनी काल दोन चोरट्यांना जेल बंद केली आहे. यांच्याकडून मुद्देमालासह दोन गावठी पिस्तूल व एक जिवंत काडतुस सुद्धा जप्त केले आहे. घडत असलेल्या या प्रकारामुळे नागरिकांमध्ये सध्या भीतीचे वातावरण निर्माण झाले आहे.

वाचाः इंदुरीकर महाराज म्हणतात माळा काढणाऱ्यांसाठीच तिसरी लाट, आरोग्यमंत्र्यांनी लगावला टोला



Source link

Leave a Reply

Your email address will not be published. Required fields are marked *