Omicron Variant: ओमिक्रॉनला रोखण्यासाठी दोन मास्कचा वापर फायदेशीर? तज्ज्ञ म्हणतात…


हायलाइट्स:

  • ‘ओमिक्रॉन’ ‘डेल्टा’ व्हेरियंटहून अधिक धोकादायक नाही
  • ओमिक्रॉन व्हेरियंटच्या संसर्गापासून स्वत:चा बचाव शक्य
  • अति उच्च धोका असणाऱ्यांनी दोन मास्क वापरणं आवश्यक

हाँगकाँग :

करोनाचा नवा व्हेरियंट ‘ओमिक्रॉन’नं जगभरात धुमाकूळ घातला असताना जगभरातील तज्ज्ञ या करोनाच्या या प्रकाराविषयी अधिक माहिती मिळवण्याचा प्रयत्न करत आहेत. वेगवेगळ्या शोधांद्वारे अनेक तज्ज्ञांनी या विषाणूच्या प्रकाराविषयी आपापलं म्हणणं मांडलंय. नुकत्याच समोर आलेल्या एका नव्या शोधाच्या अहवालानुसार, दोन मास्कचा वापर केल्यानं ओमिक्रॉन व्हेरियंटच्या संसर्गापासून स्वत:चा बचाव केला जाऊ शकतो.

करोना विषाणूच्या ‘डेल्टा व्हेरियंट‘हून ‘ओमिक्रॉन’ हा अधिक संक्रमक असला तरी तो ‘डेल्टा’ इतका धोकादायक नाही, असं अनेक तज्ज्ञांनी म्हटलंय. आता हाँगकाँगच्या दोन विषाणू तज्ज्ञांनी या व्हेरियंटपासून वाचण्यासाठी मास्कच्या वापराविषयी आपलं मत मांडलंय.

आजारी किंवा अधिक धोका असलेल्या लोकांनी ओमिक्रॉन व्हेरियंटचा संसर्ग टाळण्यासाठी दोन फेस मास्क घालावा, असा सल्ला या तज्ज्ञांकडून देण्यात आलाय.

हाँगकाँगच्या चीनी विद्यापीठातील प्राध्यापक आणि सरकारच्या वैज्ञानिक समितीचे सदस्य डेव्हिड हुई यांनी सर्जिकल मास्कवर कापडाचा मास्क परिधान करण्याचा सल्ला दिला आहे.

प्रोफेसर डेव्हिड हुई यांच्या म्हणण्यानुसार, बहुतेकदा सर्जिकल मास्क सैल असतो. अशावेळी तोंडावरची उरलेली जागा झाकण्यासाठी कापडी मास्क घालणं अत्यंत महत्वाचं ठरू शकतं. यामुळे करोना विषाणूच्या ‘ओमिक्रॉन’ व्हेरियंटचा वाढता धोकाही कमी होऊ शकतो.

उच्च जोखीम गट, अधिक संसर्ग फैलावलेला परिसर आणि सार्वजनिक वाहतुकीचा प्रवासासाठी वापर करणाऱ्या लोकांनी दोन मास्क वापरणं आवश्यक असल्याचं मत त्यांनी व्यक्त केलंय.

Rishi Sunak: नारायण मूर्तींचे जावई ऋषी सुनक होणार ब्रिटनचे नवे पंतप्रधान?
Watch Video: ३००० फूट उंचीवर २१७ किमी वेगानं उडणारी ‘फ्लाईंग कार’!
कापडी मास्कचा वापर

जुने आजार असलेले लोक किंवा ज्यांना करोना लस मिळालेली नाही, तसंच विमानतळावर काम करणाऱ्या कर्मचाऱ्यांप्रमाणेच उच्च जोखमीच्या ठिकाणी काम करणाऱ्या कर्मचाऱ्यांनी दुहेरी मास्क परिधान करणं गरजेचं आहे. यामुळे ‘फिल्टरिंग’ची क्षमताही वाढते, असं प्रसिद्ध मायक्रोबायोलॉजिस्ट यूएन क्वोक युंग यांनी स्थानिक रेडिओशी बोलताना म्हटलंय.

हाँगकाँगच्या रुग्णसंख्येवर नजर टाकली असता अद्याप एन ९५ मास्कचा व्यापक वापर करण्याची अद्याप आवश्यकता नाही. एन ९५ मास्क इतर मास्कहून थोडे अधिक महाग आहेत तसंच दररोजच्या कामांसाठी त्यातून श्वास घेणं कठिण आहे. त्यामुळे साधे कापडी मास्कचा वापर अधिक चांगल्या प्रकारे करता येऊ शकतो, असंही युंग यांनी म्हटलंय.

VIDEO: डोनाल्ड ट्रम्प यांच्यावर ड्रोन हल्ला; ईराणच्या सर्वोच्च नेत्याकडून ‘तो’ व्हिडिओ जारी
Rocket Attack: इराकमध्ये अमेरिकन दूतावासावर रॉकेट हल्ला, शाळेवर कोसळलं रॉकेट



Source link

Leave a Reply

Your email address will not be published. Required fields are marked *