VIDEO: डोनाल्ड ट्रम्प यांच्यावर ड्रोन हल्ला; ईराणच्या सर्वोच्च नेत्याकडून ‘तो’ व्हिडिओ जारी


हायलाइट्स:

  • डोनाल्ड ट्रम्प यांच्या हत्येचा कट?
  • सुलेमानीच्या हत्येचा खुनी बदला?
  • इराणकडून ड्रोन हल्ल्याचा व्हिडिओ सार्वजनिक

तेहरान, इराण :

आपला सर्वोच्च कमांडर कासिम सुलेमानी याच्या हत्येचा बदला घेण्यासाठी स्फोटकांनी भरलेल्या ड्रोननं अमेरिकेचे माजी राष्ट्राध्यक्ष डोनाल्ड ट्रम्प यांच्यावर हल्ला करायचा डाव इराणकडून आखण्यात येतोय.

इराणचा सर्वोच्च नेता अयातुल्ला खामेनी याच्या वेबसाइटवर एक व्हिडिओ सार्वजनिक करण्यात आलाय. या व्हिडिओत एक देखावा उभा करण्यात आला आहे. यात अमेरिकेचे माजी राष्ट्राध्यक्ष डोनाल्ड ट्रम्प गोल्फ खेळत असताना इराणी ड्रोनच्या सहाय्यानं त्यांच्यावर हल्ला करण्यात येत असताना या व्हिडिओत दिसून येतंय. या व्हिडिओला ‘सूड निश्चित आहे’ असं शीर्षक देण्यात आलंय.

Rocket Attack: इराकमध्ये अमेरिकन दूतावासावर रॉकेट हल्ला, शाळेवर कोसळलं रॉकेट
सात भारतीय येमेनच्या हुती बंडखोरांच्या ताब्यात, भारताची संयुक्त राष्ट्राकडे धाव
या व्हिडिओच्या सुरुवातीला ट्रम्प यांच्या फ्लोरिडा इथल्या पाम बीच स्थित घर दिसून येतं. गोल्फ कोर्समध्ये अमेरिकन ध्वज दिसतो. एकाच्या डोक्यावर ट्रम्प यांची ओळख बनलेली टोपी दिसते. त्यांच्यासोबत इतरही काही लोक दिसून येतात. अचानक एक छोटे रिमोट कंट्रोलच्या सहाय्यानं नियंत्रण मिळवलेलं एक वाहन समोर येतं. ड्रोन ऑपरेटर हे वाहन हाताळत आहे. सुलेमानीचा एका फोटोही या व्हिडिओत दिसून येतोय. ऑपरेटरकडून सीसीटीव्ही हॅक केला जातो. यादरम्यान ट्रम्प यांच्या फोनवर सुलेमानी यांच्या हत्येच्या सूडाचा एक मेसेजही दिसून येतो… आणि यानंतर एका ड्रोनद्वारे ट्रम्प यांच्यावर हल्ला करण्यात आल्याचं दिसतं. या व्हिडिओच्या शेवटी ‘सूड निश्चित आहे’, असं लिहिलेलं दिसून येतं.

हा व्हिडिओ इराणचे सर्वोच्च नेते अयातुल्ला खामेनी यानं स्वतः जारी केला आहे. इराणकडून दुष्प्रचार करणारा व्हिडिओ पहिल्यांदाच जारी करण्यात आलेला नाही. इराणी टीव्हीनंही काही दिवसांपूर्वी अमेरिकेच्या राजधानीवर मिसाईल हल्ल्याचा प्रोपेगंडा व्हिडिओ जारी केला होता.

PM Imran Khan: आम्ही तुम्हाला पंतप्रधान बनवलं, इम्रान खान यांना घरचा आहेर
Hareem Shah: सोशल मीडियावर पैशांचं प्रदर्शन, टिकटॉक स्टार अडचणीत
कोण होता कासिम सुलेमानी?

कासिम सुलेमानी याला अमेरिकेचा सर्वात मोठा शत्रू मानलं गेलं होतं. इराणच्या सुदूर आग्नेय भागातील एका गरीब कुटुंबातून आलेला सुलेमानी ‘इस्लामिक रिव्होल्युशनरी गार्ड’मध्ये सहभागी झाला होता. देशाच्या सुरक्षेची आणि विचारसरणीची काटेकोरपणे अंमलबजावणी करण्यासाठी या गार्डची स्थापना करण्यात आली होती. ‘रिव्होल्युशनरी गार्ड’नं १९८० आणि १९८८ च्या शेजारच्या इराकबरोबरच्या युद्धांमध्ये राजकीय आणि आर्थिक शक्तीदेखील मिळवली होती.

इराकमधील रक्तरंजित संघर्षामुळे सुलेमानीला पुढे जाण्यास मदतच मिळाली. वयाच्या २० व्या वर्षी सुलेमानीनं शत्रूंविरुद्ध अनेक मोहिमा राबवल्या. इराणच्या शत्रूंना चिरडण्यासाठी तो ओळखला जाऊ लागला. १९९० च्या उत्तरार्धात त्याला ‘कुड्स गार्ड’चं प्रमुख बनवण्यात आलं. कुड्स गार्डवर लेबनॉनमध्ये हिजबुल्लाला प्रोत्साहन दिल्याचा आरोप होता.

Rishi Sunak: नारायण मूर्तींचे जावई ऋषी सुनक होणार ब्रिटनचे नवे पंतप्रधान?
Watch Video: ३००० फूट उंचीवर २१७ किमी वेगानं उडणारी ‘फ्लाईंग कार’!



Source link

Leave a Reply

Your email address will not be published. Required fields are marked *