करोना झालेल्या रुग्णांचे मनोधैर्य राखण्यासाठी पालिकेचा प्रयत्न, रोज करणार समुपदेशन


औरंगाबाद : करोनाच्या संभाव्य तिसऱ्या लाटेच्या मुकाबला करण्यासाठी महापालिका सज्ज असून, पंधरा कलमी कार्यक्रम तयार करण्यात आला आहे, अशी माहिती प्रशासक आस्तिककुमार पांडेय यांनी सोमवारी पत्रकारांना दिली. रुग्णांना गृह विलगीकरणात राहण्याची मुभा दिली जाणार असल्यामुळे या रुग्णांवर महापालिकेची बारीक नजर असेल असेही त्यांनी सांगितले.

करोनाबाधित व्यक्तींची संख्या काही दिवसांपासून वाढू लागली आहे. ही संख्या येत्या काही दिवसात आणखी वाढेल, असे मानले जात आहे. या संभाव्य लाटेचा सामना करण्यासाठी पालिकेने काय काय तयारी केली आहे याची माहिती आस्तिककुमार पांडेय यांनी पत्रकारांना दिली. पांडेय म्हणाले, ‘महापालिकेने पंधरा कलमी कार्यक्रम तयार केला आहे. ज्या हेल्थ केअर वर्करने लसीचा पहिला किंवा दुसरा डोस घेतलेला नाही त्यांना तो डोस प्राधान्याने देणे व दोन्हीही डोस घेतले आहेत, त्यांना तिसरा डोस देणे. आभासी पद्धतीने करोनाबाधितांना वैद्यकीय सल्ला दिला जाईल, त्यांच्यावर नजर ठेवली जाईल. त्यासाठी स्वतंत्र ऑपरेशन कमांड सेंटर सुरू केले जाणार आहे, या ठिकाणी आवश्यक ती यंत्रणा येत्या दोन-तीन दिवसांत उभारली जाणार आहे. कोव्हिड केअर सेंटर, डेडिकेटेड कोव्हिड हेल्थ सेंटर या ठिकाणी आवश्यक ती साधनसामग्री अद्ययावत स्वरुपात तयार करून ठेवणे, करोनाच्या पहिल्या व दुसऱ्या लाटेत ज्या आरोग्य कर्मचाऱ्यांनी महापालिकेसोबत काम केले आहे, त्यांनाच पुन्हा संपर्क साधून गरजेनुसार त्यांना पुन्हा सेवेत घेतले जाईल.’

राज्याची चिंता वाढली, ज्या आमदाराच्या घरी केलं जेवण त्याचा २४ तासात रिपोर्ट पॉझिटिव्ह

महापालिकेच्या डॉक्टर व वैद्यकीय कर्मचाऱ्यांचे घाटी रुग्णालयात करोनाच्या पार्श्वभूमीवर नव्याने प्रशिक्षण घेतले जाईल. महापालिकेचे दवाखाने , कोव्हिड केअर सेंटर या ठिकाणी असलेली ऑक्सिजनची यंत्रणा सज्ज ठेवली जाणार आहे. ऑक्सिजन सिलिंडर आणि प्लांट भरलेला असेल, याकडे विशेष लक्ष ठेवले जाणार आहे. महापालिकेकडे अकरा रुग्णवाहिका आहेत, त्या सज्ज ठेवल्या जातील. त्याशिवाय आणखी गरज पडल्यास स्मार्ट बसचा उपयोग देखील रुग्णांच्या वाहतुकीसाठी केला जाईल, असे त्यांनी सांगितले.

मनोधैर्य राखण्यासाठी प्रयत्न

ज्या व्यक्तींना करोनाची लागण झाली आहे त्यांचे मनोधैर्य राखण्यासाठी पालिकेच्या कंट्रोलरुममधून मानसशास्त्राच्या अभ्यासकांच्या माध्यमातून समुपदेशन केले जाणार आहे. खासगी दवाखान्यांनीही त्यांच्याशी संपर्कात असलेल्या रुग्णांना आभासी पद्धतीने मार्गदर्शन करावे, त्यांचे मनोधैर्य उंचावण्याचा प्रयत्न करावा, वैद्यकीय सल्ला द्यावा. यासाठी स्वतंत्र यंत्रणा उभारावी. महापालिकेचे आरोग्य कर्मचारी, आशा वर्कर्स करोनाबाधित व्यक्तीच्या घरी पाच दिवसातून एकदा जाऊन त्यांच्या प्रकृतीची विचारपूस करतील, रुग्णवाहिकांच्या सेवेसाठी समन्वयक नेमला जाईल. जास्तीत जास्त व्यक्तींचे लसीकरण करून घेण्याकडे लक्ष दिले जाईल. महापालिकेच्या कर्मचाऱ्यांना ओमायक्रॉनचा संसर्ग होऊ न देणे हे सर्वात मोठे आव्हान असेल, असे आस्तिककुमार पांडेय यांनी सांगितले.
मराठवाड्याची राजधानी तिसऱ्या लाटेच्या उंबरठ्यावर?; आज तब्बल एवढे रुग्ण सापडले



Source link

Leave a Reply

Your email address will not be published. Required fields are marked *