coronavirus: महापालिकेसमोर करोनाचे आव्हान; ‘असे’ मिळवणार संसर्गावर नियंत्रण


हायलाइट्स:

  • ठाण्यात झपाट्याने वाढत आहेत करोनाचे रुग्ण.
  • महापालिकेसमोर उभे राहिले नियंत्रण मिळवण्याचे आवाहन.
  • महापालिकेने उचलले कठोर पाऊल.

ठाणे : गेल्या आठवड्याभरात ठाणे महानगर पालिका हद्दीत कोरोना तसेच ओमायक्रोनच्या रुग्णांच्या संख्यांमध्ये झपाट्याने वाढ झालेली पाहायला मिळत आहे. यासाठी महानगर पालिका सज्ज होऊन कोरोना चाचण्यांमध्ये वाढ केली आहे. ठाणे महानगर पालिका क्षेत्रात सध्या केल्या जाणाऱ्या १०० चाचण्यांपैकी २० चाचण्या पॉझिटिव्ह येत असल्याची माहिती समोर येत आहे. आठवड्याभरापूर्वी महापालिका क्षेत्रातील शंभरीचा आकडा चार हजार पर्यंत येऊन पोहचला आहे. त्यामुळे आता महापालिकेकडून कठोर पाउले उचलण्यास सुरुवात करण्यात आली आहे. गर्दीच्या ठिकाणांवर म्हणजेच बाजारपेठेत आणि हॉटेल किंवा दुकानांमध्ये गर्दी होत असलेल्या ठिकाणी तसेच विना मास्क फिरणाऱ्या व्यक्तींवर, हॉटेल मालक आणि दुकानदारांवर आता दंडात्मक कारवाई करण्यास सुरुवात केली आहे. (thane municipal corporation has started taking punitive action to control corona)

गेल्या आठवड्याभरात म्हणजेच नवीन वर्ष सुरु झाल्यापासून राज्यासह ठाण्यात कोरोनाचा आणि ओमायक्रोनच्या रुग्णसंख्येत झपाट्याने वाढ झाली आहे. आठवड्याभरापूर्वी शंभरी असलेला आकडा आता चार हजारांवर जाऊन पोहोचला आहे. त्यामुळे आता कोरोनाच्या पहिल्या आणि दुसरी लाटेप्रमाणे ठाणे महानगरपालिकेसमोर पुन्हा एकदा आव्हान उभे राहीले आहे. ठाणे महापालिका हद्दीत गेल्या २४ तासात दोन हजारहून अधिक रुग्ण सापडले आहेत. सध्या स्थितीत ठाणे महानगर पालिका हद्दीत कोरोना रुग्णांचा दर हा १०० चाचण्यांपैकी २० जन कोरोन बाधित आढळत असल्याची माहिती समोर आली आहे. त्यामुळे वाढत्या कोरोना रुग्णांची संख्या पाहता आता ठाणे महानगर पालिकेकडून कठोर पाउले उचलण्यास सुरुवात केली आहे.

वाचा- परदेशातून उल्हासनगरला परतले; फिरायला गेले, आता तिघांचा टेन्शन वाढवणारा रिपोर्ट आला…

यासाठी महापालिकेकडून गर्दीच्या ठिकाणांवर म्हणजेच बाजारपेठ आणि हॉटेल्स तसेच दुकानदरांवर कारवाई करण्यास सुरुवात केली आहे. तसेच बाजारात किंवा गर्दीच्या ठिकाणी विना मास्क फिरणाऱ्या लोकांवर पालिका प्रशासन आणि पोलिसांकडून दंडात्मक कारवाईला सुरूवात करण्यात आली आहे. या दंडात्मक कारवाई दरम्यान विना मास्क फिरताना आढळून आलेल्या व्यक्तीला पाचशे रुपये दंड आकारण्यात येत आहे. याच पार्श्वभूमीवर ठाण्यातील मुख्य बाजार पेठ जांभळी नाका परिसरात ठाणे पालिकेचे एक पथक आणि ठाणे नगर पोलिसांचे एक पथक अशी २ पथके रस्त्यावर उतरून मोठ्या प्रमाणात कारवाई करत आहे.

वाचा- रेल्वे प्रवाशांसाठी महत्वाची बातमी; मध्य रेल्वेवर ‘या’ दिवशी ३६ तासांचा जम्बो मेगाब्लॉक

ठाणे महानगर पालिका क्षेत्रात आतापर्यंत तब्बल १ लाख ४८ हजार ४६० रुग्णांना कोरोनाची बाधा झाली असून त्यापैकी १ लाख ४० हजार ७३५ रुग्णांनी कोरोनावर मात केलेली आहे. तर या दरम्यान २ हजार ११० रुग्णांचा मृत्यू झाला आहे. गेल्या आठवड्याभरात ठाणे महापालिका क्षेत्रात २३ हजार हून अधिक संशियत कोरोना रुग्णांच्या चाचण्या झाल्या असून त्यामध्ये ४५०० हून अधिक रुग्ण कोरोना बाधीत आढळले आहेत. ठाणे महानगर पालिका हद्दीत आता सध्याच्या स्थितीला ३ हजार ९९४ रुग्ण हे सक्रीय आहेत. त्यामुळे ठाणे शहरात कोरोनाच्या समुह संसर्गाला सुरुवात झाली असून धोका टाळण्यासाठी पालिकेने आता एकाच ठिकाणी दहा किंवा त्यापेक्षा जास्त कोरोना बाधित रुग्ण आढळयास पुन्हा इमारती सील करण्याचा निर्णय घेतला आहे.

वाचा- ‘असं’ बर्थडे सेलिब्रेशन कधी पाहिलं नसेल, रेड्याच्या वाढदिवशी धुमधडाका…चिकन-मटण पार्टी…मिरवणूक

ठाणे जिल्ह्यातील शहरांमध्ये करोना वाढायला सुरुवात

एक जानेवारी पासून ठाणे महानगरपालिका हद्दीतील रुग्ण आणि त्यांची संख्या पुढील प्रमाणे:

दिनांक पॉझिटिव्ह रुग्णाची संख्या सक्रिय रुग्ण

१ जानेवारी २०२२ ४२८ ३४८
२ जानेवारी २०२२ ५८० ११५६
३ जानेवारी २०२२ ६९८ १३३६
४ जानेवारी २०२२ १३३२ २०७०
५ जानेवारी २०२२ १६८५ २७१५
६ जानेवारी २०२२ २१८० ३९९४



Source link

Leave a Reply

Your email address will not be published. Required fields are marked *