राज्याची करोनाच्या तिसऱ्या लाटेकडे वाटचाल?; आरोग्यमंत्र्यांनी दिला धोक्याचा इशारा


हायलाइट्स:

  • राज्यात करोना रुग्णांची संख्या वाढली
  • आरोग्यमंत्र्यांनी दिला धोक्याचा इशारा
  • निर्बंधांचे पालन न केल्यास निर्बंध?

जालनाः काल राज्यात ३६ हजार करोना रुग्णांचा टप्पा पार झाला असून आपण आता हळू हळू तिसऱ्या लाटेकडे वाटचाल करत असल्याचा इशारा राज्याचे आरोग्यमंत्री राजेश टोपे (Rajesh Tope) यांनी दिला आहे. (Coronavirus in maharashtra)

मुंबईसह राज्यात करोना रुग्णांची संख्या वाढत आहे. करोनारुग्णांची संख्या वाढत असताना पुन्हा एकदा राज्यात कठोर निर्बंध लागू करण्याची शक्यता वर्तवण्यात येत आहे. या पार्श्वभूमीवर राज्याचे आरोग्यमंत्री राजेश टोपे यांनी नागरिकांना काळजी घेण्याचं अवाहन केलं आहे. तसंच, रुग्णांची संख्या वाढत असताना त्यांनी धोक्याचा इशारादेखील दिला आहे. ते जालन्यात बोलत होते.

आता लागू केलेल्या निर्बंधाचे पालन करणं गरजेचं असून जे निर्बंध पाळणार नाही त्यांच्यावर गुन्हे दाखल करायला हवे, असंही टोपे यांनी स्पष्ट केलं आहे. याशिवाय निर्बंध कडक करावे लागतील, असा ईशारा देखील टोपे यांनी दिला आहे. मास्क नसेल तर दंड करा, गर्दी टाळा असे आदेश प्रशासकीय अधिकाऱ्यांना दिले जातील. करोना रुग्णांची संख्या वाढली तरी घाबरून जाण्याची गरज नाही. ज्यावेळेत लोकांना कुठल्या गोष्टींची आवश्यकता नाही त्यावेळेत निर्बंध आणता येईल का याबाबत मुख्यमंत्री यांच्याकडे प्रस्ताव पाठवला जाणार असून मुख्यमंत्री याबाबत निर्णय घेतील. मात्र, भविष्यात रुग्णसंख्या वाढली तर निर्बंधाबाबत मुख्यमंत्री निर्णय घेतील, असा इशारा टोपे यांनी दिला आहे.

वाचाः मुंबईच्या लोकलमधून फिरताहेत करोना सुपर स्प्रेडर, धोक्याची घंटा

देशात करोना रुग्णांचा विस्फोट झाला असून ८ दिवसांत १ लाख १७ हजार रुग्ण आढळून आले आहेत. यासाठी गर्दी टाळली पाहिजे तरच संसर्ग कमी होईल, असंही त्यांनी म्हटलं आहे. चित्रपट, नाट्यगृह,मंदिरं याबाबत लगेचच निर्बंध लावण्याचा लगेचच प्रस्ताव नसून गरज पडली तर निर्बंध लावले जातील. मात्र या ठिकाणांवर होणारी गर्दी टाळण्यासाठी पाऊले उचलण्याची गरज असल्याचे, टोपे यांनी सांगितले. अनेक जिल्ह्यात शाळा बंद करण्याचा निर्णय घेण्यात आला असून त्या ठिकणी करोना रुग्णसंख्या वाढत आहे त्यामुळे तो निर्णय घेण्यात आल्याचे देखील टोपे म्हणाले.

धारावीमध्ये १ हजार रुपयात लस घेतलयाच प्रमाणपत्र देणारी टोळी पकडली त्यांच्यावर सरकारकडून सक्त कारवाई केली जाईल, असंही टोपे यांनी सांगितलं.मुख्यमंत्री आणि राष्ट्रवादी काँग्रेसचे अध्यक्ष शरद पवार यांच्यात बैठक झाल्याचं टोपे यांनी मान्य केलं असून चर्चा होत असतात मात्र अंतिम निर्णय हे मुख्यमंत्रीच घेतात, असंही टोपे यांनी सांगितले आहे. मुख्यमंत्री यांच्याकडे प्रस्ताव जात असतात त्यांच्याकडे गेलेला प्रस्ताव मान्य झाल्यासच अधिसूचना काढल्या जातात असंही त्यांनी सांगितलं.

वाचाः धोका वाढला! मुंबईनंतर मराठवाड्यातही निवासी डॉक्टर करोनाच्या विळख्यात

दरम्यान राज्यात लसीकरण वाढवण्याच्या सूचना देण्यात आल्या असून १० तारखेनंतर बुस्टर डोस घ्यावा या महामारीतुन नागरिकांना फकत लस वाचवेल, असं अवाहन त्यांनी केलं आहे. लसीकरणामुळे कोरोना बाधितांची संख्या कमी झाली असून पूर्वीपेक्षा कमी रुग्ण संख्या आहे, अशी माहिती त्यांनी दिली आहे.



Source link

Leave a Reply

Your email address will not be published. Required fields are marked *