‘आधी केलं मग सांगितलं’, जिल्हाधिकाऱ्यांकडून कोरोना चाचणी, सरकारी कर्मचाऱ्यांना विशेष आवाहन


हिंगोली : नविन वर्षाच्या पाच दिवसांत हिंगोली जिल्ह्यामध्ये १३ नवे कोरोनाबाधित रुग्ण आढळून आले आहेत. कोरोना आणि ओमायक्रोनचा प्रादुर्भाव होऊ नये म्हणून नागरिकांनी स्वतः बरोबर कुटुंबाची काळजी घ्यावी, असे आवाहन हिंगोलीचे जिल्हाधिकारी जितेंद्र पापळकर यांनी केली आहे.

जिल्ह्यातील प्रत्येक कार्यालयातील कर्मचारी नागरिकांच्या सातत्याने संपर्कामध्ये येत असतात. त्यांच्यापासून इतरांना व स्वतःला संसर्ग होऊ नये म्हणून आज हिंगोलीचे जिल्हाधिकारी जितेंद्र पापळकर यांनी स्वत: कोरोना तपासणी करून इतरही अधिकारी व कर्मचारी यांना कोरोना चाचणी करुन घेण्याचे आवाहन केले आहे.

येत्या काही दिवसात सर्व सरकारी कार्यालयातील कर्मचाऱ्यांच्या रॅपिड अँन्टिजन टेस्ट करून घेतल्या जाणार असल्याची माहिती जिल्हाधिकारी पापळकर यांनी दिली आहे.

जिल्हाधिकाऱ्यांनी तपासणीच्या शुभारंभाची सुरुवात स्वतःच्या कार्यालयापासून केली आहे. हिंगोली जिल्हाधिकारी कार्यालयामध्ये जिल्हाधिकारी जितेंद्र पापळकर, यांच्यासह ईतरही अधिकारी व कर्मचारी वर्गांनी तपासण्या करून घेतल्या आहेत.

त्याच बरोबर नागरिकांनी गर्दीच्या ठिकाणी जाणे टाळावे, सामाजिक अंतराचा वापर करावा, मास्क,सॅनिटायझर वापरावे, व ज्या लोकांचे लसीकरण बाकी आहे त्यांनी लसीकरण करून घ्यावे असे आवाहन जिल्हाधिकारी जितेंद्र पापळकर यांनी केले आहे.



Source link

Leave a Reply

Your email address will not be published. Required fields are marked *