राज्यावर पुन्हा अवकाळी पावसाचे संकट; विदर्भ, मराठवाड्यासाठी अलर्ट जारी


नागपूरः राज्यात पुन्हा एकदा अवकाळी पावसाची शक्यता वर्तवण्यात आली आहे. विदर्भ, उत्तर महाराष्ट्र आणि मराठवाड्यातील विविध ठिकाणी पावसाचा अंदाज हवामान विभागानं व्यक्त केला आहे. (weather alert in nagpur)

मागील महिन्यात मराठवाडा, विदर्भात गारपिटीसह अवकाळी पाऊस बरसला होता. त्यामुळं शेतकऱ्यांचे मोठे नुकसान झाले होते. जानेवारीतही महराष्ट्रातील विदर्भ व मराठवाड्यात पावसाची शक्यता वर्तवण्यात आली आहे. उत्तरेकडील वेस्टर्न डिस्टर्बन्समुळं राज्यात काही ठिकाणी हलक्या पावसाची तर, काही ठिकाणी मेघगर्जनेसह पाऊस बरसेल, असा अंदाज हवामान विभागानं व्यक्त केला आहे.

महाराष्ट्रात ६ ते ९ जानेवारीदरम्यान पावसाचा अंदाज वर्तवण्यात आला आहे. विदर्भातील काही जिल्ह्यांना यलो अलर्ट जारी केला आहे. महाराष्ट्रासह नवी दिल्ली, पंजाब, हरियाणा आणि मध्य भारतात पाऊस बरसण्याचा अंदाज वर्तवण्यात आला आहे.

वाचाः औरंगाबाद जिल्ह्यात प्रशासनाकडून नवीन निर्बंध लागू, वाचा काय आहेत नवे नियम?

देशाच्या उत्तरेकडील भागात पाश्चात्य विक्षोभामुळे ६ जानेवारी ते १० जानेवारीला काही भागांमध्ये ढगांचा गडगडाट व विजांच्या कडकडाटासह हलका पाऊस पडण्याची शक्यता आहे. तर, ९ जानेवारीला विदर्भात काही ठिकाणी गारपिटीची शक्यता आहे. असा अंदाज हवामान विभागानं वर्तवला आहे. अमरावती, वाशिम, यवतमाळ, चंद्रपूर, नागपूर, वर्धा, भंडारा, गोंदिया, गडचिरोली, या भागांसाठी हवामान विभागानं यलो अलर्ट जारी केला आहे. तर, ८ जानेवारीला बुलडाणा, अकोला, वर्धा, अमरावती, नागपूर, वर्धा या जिल्ह्यांना यलो अलर्ट जारी करण्यात आला आहे.

वाचाः आरोग्यमंत्र्यांच्या जिल्ह्यात आरोग्य यंत्रणा तिसऱ्या लाटेसाठी सक्षम?; अधिकाऱ्यांनी मांडला लेखाजोखा

आयएमडीकडून अलर्ट

६ जानेवारी- धुळे, नंदुरबार
७ जानेवारी- धुळे, नंदुरबार, जळगाव, नाशिक, अहमदनगर
८ जानेवारी- ठाणे पालघर व उत्तर महाराष्ट्र, विदर्भातील काही भाग
९ जानेवारी- मराठवाडा आणि विदर्भातील काही भाग

वाचाः
करोनाच्या तिसऱ्या लाटेचा धोका; हिंगोली जिल्ह्याने केली अशी तयारी

अवकाळी पावसाचा फटका

डिसेंबरमध्ये मराठवाड्यात झालेल्या अवकाळी पाऊस व गारपीटमुळे औरंगाबाद व जालना जिल्ह्यात मिळून सुमारे सव्वादोन हजार हेक्टरच्यावरील पिकांना जबर फटका बसल्याचा प्राथमिक अंदाज आहे. औरंगाबाद जिल्ह्यात सुमारे ४०० हेक्टर तर जालना जिल्ह्यात अवकाळी पाऊस आणि गारपीटमुळे १ हजार ९०० हून अधिक हेक्टरवरील पिकांना फटका बसला आहे, अशी माहिती कृषी सहसंचालक कार्यालयाच्या सूत्रांनी दिली आहे.

वाचाः ताडोबामध्ये ‘हे’ ९ नियम मोडल्यास पर्यटकांवर कारवाईचा इशारा, कर्मचाऱ्यांसाठीही नियम बदलले



Source link

Leave a Reply

Your email address will not be published. Required fields are marked *