आरोग्यमंत्र्यांच्या जिल्ह्यात आरोग्य यंत्रणा तिसऱ्या लाटेसाठी सक्षम?; अधिकाऱ्यांनी मांडला लेखाजोखा


जालनाः राज्यातील करोना रुग्णांची संख्या दिवसेंदिवस वाढत आहे. करोना रुग्णांबरोबरच ओमिक्रॉन बाधितांचा आकडाही वाढत आहे. त्यामुळं राज्यात तिसऱ्या लाटेची शक्यता वर्तवण्यात येत आहे. या पार्श्वभूमीवर जिल्ह्यात आरोग्य प्रशासनाने उपाययोजना राबवल्या आहेत. राज्यातही काही निर्बंध लावण्यात येणार असल्याची चर्चा आहे. आरोग्यमंत्र्यांच्या जिल्ह्यातही तिसऱ्या लाटेच्या अनुषंगाने उपाययोजना राबवण्यात आल्या आहेत.

संभाव्य तिसऱ्या लाटेच्या पार्श्वभूमीवर जिल्हाधिकाऱ्यांनी तात्काळ उपाययोजना राबवल्या आहेत. जालना जिल्ह्यातील बेडची संख्या ४६६० एवढी असून ११३ मेट्रिक टन ऑक्सिजन साठ्याची क्षमता सज्ज आहे. तिसरी लाट आली तर जिल्ह्याला ६९ मेट्रिक टन इतकी ऑक्सिजनची गरज असली तरी सध्या जिल्ह्यात आवश्यकतेपेक्षा जास्त क्षमता आहे.

वाचाः करोनाच्या तिसऱ्या लाटेचा धोका; हिंगोली जिल्ह्याने केली अशी तयारी

औषधं, ऑक्सिजन, बेड क्षमतेसाठी जालना जिल्ह्याची आरोग्य यंत्रणा सज्ज झालेली असून आरटीपीसीआर लॅबचे आधुनिकीकरण करण्यात आले असून सध्या एका शिफ्टमध्ये ८०० रुग्णांच्या स्वॅबची तपासणी होते तर हीच लॅब ३ शिफ्ट मध्ये चालवली तर दररोज २१०० ते २४०० नमुन्यांची तपासणी करण्याची क्षमता आहे.लसीकरण मोहिमेला चांगला प्रतिसाद मिळत असून या आठवड्यात ८० टक्के पेक्षा जास्त लसीकरणाचा टप्पा गाठू असा विश्वास जालना जिल्हा आरोग्य अधिकारी डॉ. विवेक खतगावकर सांगतात.

वाचाः औरंगाबाद जिल्ह्यात प्रशासनाकडून नवीन निर्बंध लागू, वाचा काय आहेत नवे नियम?

जालना जिल्ह्यात आतापर्यंत १११ नागरिक परदेशातून आलेले असून त्यापैकी २ जणांचे अहवाल करोना पोझिटीव्ह आलेले असून जिनोमिक सिकवेन्सिंगसाठी त्यांचे नमुने पाठवण्यात आले असून आज रोजी त्यांचे अहवाल प्रलंबित आहेत. १५ ते १८ वयोगटातील लसीकरणाअंतर्गत आज पर्यंत १ हजार ६७० जणांचे लसीकरण झालेले असून 1 लाख ९ हजार एवढ्या लसीकरणाचे आमचे उद्दिष्ट आहे, असेही डॉ. विवेक खतगावकर सांगतात.

वाचाः मला करोना झालाच नाही म्हणत पॉझिटिव्ह रुग्ण फरार; संपूर्ण प्रशासन लागलं कामाला



Source link

Leave a Reply

Your email address will not be published. Required fields are marked *