चिंताजनक, ‘या’ जिल्ह्यात कोरोनाचा विस्फोट; एका दिवसात ३ पटीने रुग्ण वाढले


औरंगाबाद : राज्यात गेल्या आठवडाभरापासून कोरोनाची रुग्ण संख्या वाढत असताना, औरंगाबादची आकडेवारी चिंता वाढवणारी ठरत आहे. आज औरंगाबाद जिल्ह्यात एकूण १०३ रुग्ण पॉझिटिव्ह आढळून आल्याने प्रशासनात खळबळ उडाली आहे. दुसरी लाट ओसरल्यानंतर पहिल्यांदाच एवढ्या मोठ्याप्रमाणात रुग्ण आढळून आले आहे.

औरंगाबाद जिल्ह्यात आज (मंगळवारी) दिवसभरात तब्बल १०३ रुग्णांची भर पडली आहे. ज्यात मनपा हद्दीत ८७ तर ग्रामीण भागातील १६ रुग्णांचा समावेश आहे. तर आज एकूण २४ जणांनी कोरोनावर मात केली असून १७४ रुग्णांवर उपचार सुरू आहे. त्यामुळे वाढती कोरोना रुग्णांची संख्या प्रशासनाची चिंता वाढवणारी ठरत आहे.

तर कोरोनाची दुसरी लाट ओसरल्यनंतर औरंगाबादची परिस्थिती नियंत्रणात होती. मात्र गेल्या पाच दिवसांपासूनची आकडेवारी पुन्हा एकदा वाढतांना पाहायला मिळत आहे. मागील तीन दिवसांची आकडेवारी धडकी भरणारी ठरत आहे. १ जानेवारीला जिल्ह्यात २६ रुग्ण सापडले होते, तर २ जानेवारीला ३५ रुग्ण आढळून आले होते. ३ जानेवारीला हाच आकडा ३७ वर होता, तर हाच आकडा तीन पटीने वाढून १०३ वर पोहचला आहे.

राज्यात आज 18 हजार 466 नव्या कोरोनाबाधित रुग्णांची नोंद झाली आहे. दिलासादायक गोष्ट म्हणजे 4 हजार 558 रुग्ण कोरोनामुक्त झाले आहेत. दुसरीकडे 20 रुग्णांचा कोरोनामुळे मृत्यू झाला आहे. सध्या महाराष्ट्रात सक्रिय कोरोना रुग्णांची संख्या 66 हजार 308 एवढी आहे.

राज्यात ओमिक्रॉनचे 75 नवे रुग्ण

राज्यात एकीकडे कोरोना रुग्णांची संख्या झपाट्याने वाढत असताना ओमिक्रॉनची लागण झालेले रुग्णही मोठ्या प्रमाणात आढळून येत आहेत. राज्यात आज 75 ओमिक्रॉनबाधित रुग्ण आढळून आले आहेत. त्यापैकी 40 रुग्ण केवळ मुंबईतील आहेत. राज्यातील ओमिक्रॉन रुग्णांनी आता साडे सहाशेचा टप्पा पार केला आहे.



Source link

Leave a Reply

Your email address will not be published. Required fields are marked *