‘करोना’मुळे कोमात पोहचलेल्या महिलेला ‘व्हायग्रा’मुळे मिळालं नवं जीवन


हायलाइट्स:

  • मोनिका अल्मीडा गेन्सबोरोची रहिवासी
  • ऑक्सिजन पातळी ढासळल्यानंतर २८ दिवस कोमात
  • एखाद्या औषधाप्रमाणेच महिलेवर ‘व्हायग्रा’चा वापर

लंडन, ब्रिटन :

ब्रिटनमधून करोना संसर्गाची एक वेगळंच प्रकरण समोर येतंय. रुग्णालयात परिचारिका म्हणून काम करणारी एक महिला करोना संक्रमणानंतर जवळपास मरणाच्या दारापर्यंत पोहचली. तब्बल २८ दिवस कोमात राहिलेल्या या महिलेला ‘व्हायग्रा‘ उपचारानंतर मात्र नवं आयुष्य मिळाल्याचं समोर येतंय.

गेन्सबोरोची रहिवासी असलेल्या ३७ वर्षीय मोनिका अल्मीडा यांना ९ नोव्हेंबर रोजी रुग्णालयात दाखल करण्यात आलं होतं. ही महिला जगण्यासाठी झुंजत असताना डॉक्टरांनी प्रयोग म्हणून तिला ‘व्हायग्रा’ दिला. त्यानंतर तिच्या तब्येतीत सुधारणा झाल्याचं दिसून आलं.

लसीच्या दोन्ही मात्रा घेतल्यानंतर ३१ ऑक्टोबर रोजी मोनिकाचा करोना चाचणी अहवाल पॉझिटिव्ह आला होता. रुग्णालयात दाखल केल्यानंतर त्यांची ऑक्सिजन पातळी ढासळली. १६ नोव्हेंबर रोजी त्यांना आयसीयूमध्ये हलवण्यात आलं. त्या कोमात गेल्याची माहिती डॉक्टरांनी दिली.

Kane Tanaka: जगातील सर्वात वयोवृद्ध महिलेनं साजरा केला ११९ वा वाढदिवस
Animal Rain: अवकाशातून माशांचा पाऊस, शास्त्रीय कारणही जाणून घ्या…
आशा गमावल्यानंतर डॉक्टरांनीही पुढच्या ७२ तासांत मोनिकाचं व्हेंटिलेटर बंद करण्याचा निर्णय जवळपास घेतला होता. मात्र, शेवटचा प्रायोगिक उपचार म्हणून त्यांनी मोनिकाला ‘व्हायग्रा’चा एक मोठा डोस दिला. कोमात जाण्यापूर्वी या उपचाराला मोनिका यांनी स्वत:च होकार दिला होता. मोनिका यांच्या म्हणण्यानुसार, १४ नोव्हेंबर रोजी त्यांना शुद्ध आली आणि तब्येत सुधारत असल्याचं जाणवलं.

‘व्हायग्रा’मुळे मोनिका यांच्या शरीराच्या सर्व भागात रक्त प्रवाह सक्षम झालाच शिवाय त्यांच्या ऑक्सिजनच्या पातळीतही वाढ झाल्याचं डॉक्टरांना आढळून आलं. एखाद्या औषधाप्रमाणेच मोनिका यांच्यावर ‘व्हायग्रा’चा वापर करण्यात आला.

US Russia: रशियानं हल्ला केला तर ‘निर्णायक’ कारवाई; बायडन यांच्याकडून युक्रेनला मदतीचं आश्वासन
Reham Khan: पंतप्रधान इम्रान खान यांच्या माजी पत्नी रेहम खान यांच्यावर जीवघेणा हल्ला



Source link

Leave a Reply

Your email address will not be published. Required fields are marked *