corona in mumbai: मोठी बातमी! मुंबईत आज करोना रुग्णसंख्येचा उद्रेक; पालिका आयुक्तांचे ‘हे’ आवाहन


हायलाइट्स:

  • आज मुंबईत आढळले करोनाचे ८ हजार ०६३ नवे रुग्ण.
  • या रुग्णांपैकी ८९ टक्के रुग्णांना कोणतीही लक्षणे नाहीत.
  • या रुग्णांपैकी ५०३ रुग्ण रुग्णालयात दाखल.

मुंबई: आज मुंबई शहरात ८ हजार ०६३ नवे करोनाचे रुग्ण आढळल्याने चिंता वाढली आहे. काल मुंबईत ६ हजार ३४७ रुग्ण आढलले होते. एकीकडे मुंबईकरांची चिंता वाढली असताना आज एकही रुग्णाचा मृत्यू न झाल्याने मुंबईकरांना काहीसा दिलासा मिळाला आहे. (coronavirus in mumbai update big increase in the number of corona patients in mumbai)

आज मुंबईत आढळून आलेल्या ८ हजार ०६३ नव्या कोविड रुग्णांपैकी ८९ टक्के रुग्ण पूर्णपणे लक्षणे नसलेले आढळले आहेत. या बरोबरच मुंबईत एकूण सक्रिय रुग्ण अर्था ज्यांच्यावर उपचार सुरू आहेत अशा रुग्णांची संख्या आता २९ हजार ८१९ इतकी आहे. तथापि, आज आढळलेल्या ८ हजार ०६३ नव्या रुग्णांपैकी फक्त ५०३ रुग्ण रूग्णालयात दाखल झाले आहेत.

क्लिक करा आणि वाचा- ‘आशीष शेलार आग लावण्याचे काम करत आहेत’; महापौरांचे प्रत्युत्तर

रुग्णालयात दाखल असलेल्या या रुग्णांपैकी ५६ रुग्णांना ऑक्सिजनयुक्त बेडवर ठेवण्यात आले आहे. आजमितीस मुंबईतील रुग्णालयातील ९० टक्के खाटा रिक्त आहेत.

क्लिक करा आणि वाचा- प्रदूषण रोखण्यासाठी पर्यावरण मंत्री आदित्य ठाकरे यांची मोठी घोषणा; इलेक्ट्रिक वाहनांबाबत ‘हा’ निर्णय

महापालिका आयुक्तांचे आवाहन

आजच्या मुंबईतील कोविड रुग्णसंख्येच्या वाढीनंतर मुंबई महापालिकेचे आयुक्त इक्बालसिंह चहल यांनी होम क्वारंटाईन केलेल्या सर्व रूग्णांना होम क्वारंटाईन मार्गदर्शक तत्त्वांचे काटेकोरपणे पालन करण्याचे आवाहन केले आहे. मार्गदर्शक तत्वांचे काटेकोरपणे पालन केल्याने मुंबईतील विषाणूचा प्रसार शक्य तितक्या लवकर रोखता येईल. मी मोठ्या प्रमाणावर नागरिकांना आवाहन करतो की, कोविडचे काटेकोरपणे पालन करावे. घाबरण्याचे कारण नाही, परंतु त्याच वेळी आपण सर्वांनी अत्यंत सावध राहून सर्व आवश्यक त्या नियमांचे पालन केले पाहिजे. सार्वजनिक क्षेत्रात मास्क अनिवार्य असून नागरिकांनी गर्दीच्या ठिकाणी जाणे टाळावे. कोविड महामारीच्या या नव्या लाटेवर मात करण्यासाठी आपण सर्वांनी हातमिळवणी केली पाहिजे, असे आवाहन चहल यांनी केले आहे.

क्लिक करा आणि वाचा- समीर वानखेडेंवर नवाब मलिक यांचे पुन्हा गंभीर आरोप; ‘ती’ ऑडिओ क्लिपच ऐकवली!



Source link

Leave a Reply

Your email address will not be published. Required fields are marked *