राधानगरी धरणाचा दरवाजा कसा अडकला?; तंत्रज्ञांनी व्यक्त केली ‘ही’ शक्यता


कोल्हापूर: राधानगरी धरणाचा (Radhanagari Dam) दरवाजा बंद होत नसल्यामुळं कोल्हापूर शहरासह पंचगंगा व भोगावती नदीकाठच्या परिसरात पूरस्थिती निर्माण होण्याची शक्यता आहे. जिल्हा प्रशासन व कोल्हापूर पाटबंधारे मंडळानं नागरिकांना दक्षतेचा इशारा देतानाच घाबरून न जाण्याचं आवाहन केलं आहे. हा प्रकार नेमका कसा घडला याची चर्चा सध्या संपूर्ण जिल्ह्यात सुरू आहे.

राधानगरी धरणाच्या दरवाज्याचे तांत्रिक काम आज सकाळी सुरू होते. त्यावेळी उघडला गेलेला दरवाजा अडकल्यामुळे व बंदच होत नसल्यामुळं वेगळाच पेच निर्माण झाला आहे. धरणातून पाण्याचा मोठ्या प्रमाणावर विसर्ग सुरू आहे. त्यामुळं कोल्हापूरसह नदीकाठच्या परिसरात पूर येण्याची शक्यता आहे. पाण्याचा विसर्ग वाढण्याची शक्यता असून पंचगंगेसह अनेक नद्यांच्या पाणी पातळीत दिवसभरात ३ ते ४ फूटाने वाढ होण्याची शक्यता असल्याचा अंदाज कोल्हापूर पाटबंधारे मंडळाचे अधिक्षक अभियंता महेश सुर्वे यांनी व्यक्त केला आहे.

वाचा: धरणाचा उघडलेला दरवाजा बंदच होईना; कोल्हापुरात मोठ्या पुराची शक्यता

सध्या के टी वेअरचे पिलर काढण्याची सूचना संबंधितांना दिली आहे. त्याचबरोबर नदीतील पाणी वाढणार असल्यानं नागरिकांना दक्षतेचा इशारा देण्यात आला आहे. नदीकाठच्या गावातील लोकांनी नदीवर जनावरे घेऊन जाणं किंवा धुणे धुवायला जाण्याचं टाळून प्रशासनाला सहकार्य करावं, असं आवाहनही पाटबंधारे मंडळानं केलं आहे.

हे कसं घडलं?

स्टार्टर स्वीच अचानक शॉर्ट होऊन गेट आपोआप सुरू झाला असावा, अशी शक्यता तंत्रज्ञानांनी व्यक्त केली आहे. तांत्रिक बिघाड दुरुस्त करण्यासाठी पाटबंधारे खात्याची यंत्रणा जोरात कामाला लागली असून या दुरुस्तीसाठी अनेक पथके रवाना झाली आहेत. आज दिवसभरात कोणत्याही परिस्थितीत गेटची दुरुस्ती पूर्ण होईल, असा विश्वास पाटबंधारे मंडळानं व्यक्त केला आहे.

वाचा: संशयित चोराच्या खिशाला बॉलपेन सापडला, त्यानंतर जे समोर आले ते केवळ थक्क करणारे होते!



Source link

Leave a Reply

Your email address will not be published. Required fields are marked *