बायकोने नवऱ्याला डोळ्यादेखत गावातील अल्पवयीन मुलीवर बळजबरी बलात्कार करायला लावला


वर्धा : संशयी वृत्तीच्या पत्नीने थेट आपल्या पतीला गावातीलच एका १४ वर्षीय मुलीवर डोळ्यादेखत बळजबरी बलात्कार करावयास लावल्याची धक्कादायक घटना उघडकीस आली आहे. या प्रकरणी तक्रारीवरून आर्वी पोलीस ठाण्यात गुन्ह्याची नोंद घेण्यात आली असून आरोपी दाम्पत्यास पोलिसांनी ताब्यात घेतले आहे.

आर्वीच्या एका गावात अल्पवयीन पीडिता ही घरी एकटी हजर असताना आरोपी महिलेने तिला घरी बोलावले. पीडिता ही आरोपीच्या घरी येताच आरोपी महिलेने तिला तु माझ्या पतीसोबत लग्न कर, असे म्हणत घराचा दरवाजा बंद करून घराबाहेर निघून गेली. दरम्यान आरोपी पुरुषाने पीडिता ही एकटी असल्याचे हेरून तिच्यावर जबरी बलात्कार केला. काही वेळानंतर आरोपी पत्नी घरी परतली. त्यानंतर तिने पतीला पीडितेवर तिच्या डोळ्यासमोरच बळजबरी शारीरिक संबंध प्रस्थापित करावयास लावले.

आरोपी इतक्यावरच थांबले नाही तर त्यांनी सदर प्रकराची माहिती कुणाला दिल्यास जीवानिशी ठार करण्याची धमकी पीडितेला दिली. आरेापींच्या तावडीतून कशीबशी सुटका केलेल्या पीडितेने घरी पोहोचल्यावर संपूर्ण प्रकाराची माहिती कुटुंबियांना दिली. त्यानंतर पीडिता व तिच्या कुटुंबियांनी पोलीस स्टेशन गाठून तक्रार नोंदविली. तक्रारीची दखल घेत पोलिसांनीही आरोपीविरुद्ध बाल लैंगिक अत्याचार प्रतिबंधक कायदा तसेच भादंविच्या विविध कलमान्वये गुन्हा दाखल करून त्यांना ताब्यात घेतले आहे. पुढील तपास सुरू आहे.

अल्पवयीन मुलीवरील बलात्कार प्रकरणी आरोपी दाम्पत्याविरुद्ध बाल लैंगिक अत्याचार प्रतिबंधक कायद्याच्या कलम ६ तसेच भादंविच्या कलम ३७६ (३), ७६ (२) (एन), ३६६ (अ.), ५०६, ३४ अन्वये गुन्हा दाखल करण्यात आला आहे. या प्रकरणातील आरोपी दाम्पत्याला ताब्यात घेण्यात आले आहे. पुढील तपास सुरू आहे.



Source link

Leave a Reply

Your email address will not be published. Required fields are marked *