Malik Vs Rane: ‘राणेंच्या नादाला लागलात, तर मग हर्बल तंबाखू पण कामाला येणार नाही’; मालिकांवर प्रहार


हायलाइट्स:

  • आमदार नितेश राणे यांची अल्पसंख्याक मंत्री नवाब मलिक यांच्यावर टीका.
  • आमदार राणे आणि मलिक यांच्यात रंगले ट्विटर युद्ध.
  • राणेंच्या नादाला लागलात, तर हर्बल तंबाखू कामाला येणार नाही- राणे.

सिंधुदुर्ग: राणेंवर काहीही हल्ला झाला की आम्ही व्याजासह परत देतो. नवाब मलिक यांनी कोणाच्या विषयात हात घालत आहेत, याबद्दल त्यांनी विचार करावा. आणि थोडी अजून माहिती पाहिजे असेल तर उद्धव ठाकरे आणि त्यांच्या टोळीकडून ती घ्यावी, राणे यांच्या नादाला लागलात तर मग हर्बल तंबाखू देखील कामाला येणार नाही, अशा शब्दात आमदार नितेश राणेंनी मंत्री नबाब मलिक जोरदार टोला लगावला आहे.

मंत्री नबाब मलिक व आमदार नितेश राणेंनी ट्विटर वर पाण्याचे चित्र दाखवीत ट्विट केले होते. त्यावर नितेश राणे यांनी मंत्री नबाब मलिक याच्यावर प्रहार केला आहे.

क्लिक करा आणि वाचा- आमदार नितेश राणे कणकवली पोलिस ठाण्यात; झाली अर्धा तास चौकशी, म्हणाले…

आमदार नितेश राणे यांनी राज्याचे पर्यावरणमंत्री आदित्य ठाकरे हे विधानभवनात प्रवेश करताना ‘म्याव-म्याव’ आवाज काढून त्यांना डिवचले होते. त्यानंतर शिवसेना आणि राणे कुटुंबीयांमध्ये चांगलीच जुंपली आहे. या वादात राज्याचे अल्पसंख्याक मंत्री नवाब मलिक (Nawab Malik) यांनी उडी घेतली आहे. मलिक यांनी मांजर आणि कोंबडीचा फोटो मॉर्फ करुन ट्विटरवर शेअर केला होता. त्यांच्या या टीकेचा रोख नितेश राणे यांच्या दिशेने होता. यानंतर आमदार नितेश राणे (Nitesh Rane) यांनीही मलिकांना प्रत्युत्तर देत ट्विटरवर एका डुकराचा फोटो शेअर केला. त्यामध्ये नवाब मलिक यांचा चेहरा मॉर्फ करण्यात आला होता. राणे यांनी ही प्रजाती फक्त भंगारात आढळते.. ओळखा पाहू कोण?, अशी कॅप्शनही त्यासोबत लिहिली होती.

क्लिक करा आणि वाचा- भविष्यात रश्मी ठाकरेंना मुख्यमंत्री बनवणार आहात, ते तरी जाहीर करा: नितेश राणे

दरम्यान, आमदार नितेश राणे यांनी आज कणकवली पोलिस ठाण्यात हजेरी लावली. सिंधुदुर्ग जिल्हा बँक अध्यक्ष सतीश सावंत यांचे प्रचार प्रमुख असलेल्या संतोष परब यांच्यावर कणकवलीत झालेल्या मारहाण प्रकरणी पोलिसांनी आमदार नितेश राणे यांना चौकशी करता पोलीस ठाण्यात हजर राहावे अशी नोटीस २१ डिसेंबर रोजी बजावली होती. आमदार राणे यांची तब्बल अर्धा तास चौकशी झाली.

क्लिक करा आणि वाचा- सिंधुदुर्गात कर्नाटकमधील वाहने अडवली; छत्रपती शिवरायांच्या अवमान झाल्याच्या निषेधार्थ युवा सेना आक्रमक



Source link

Leave a Reply

Your email address will not be published. Required fields are marked *