सूर्यकुमार यादवला मुंबई इंडियन्स देणार धक्का; नव्या फ्रँचायझींनी केला संपर्क


मुंबई :इंडियन प्रीमियर लीग अर्थात आयपीएलमधील सर्वात आवडत्या फ्रँचायझींपैकी एक असलेल्या मुंबई इंडियन्सने मोठा निर्णय घेतला आहे. संघातील मधल्या फळीतील महत्वाचा खेळाडू असलेल्या सूर्यकुमार यादवला पुढील आयपीएल लिलावासाठी कायम ठेवले जाणार नाही, अशी शक्यता आहे. मुंबई फ्रँचायझी इतर पर्यायांचा विचार करू शकते, असे एका अहवालात म्हटले आहे.

वाचा-धक्कादायक, केन विलियमसन असा कसा वागला; अंपायर्सनी मॅच थांबवली आणि…

मुंबई इंडियन्सकडून खेळताना सूर्यकुमार यादवला आयपीएलमध्ये सर्वाधिक यश मिळाले. याआधी तो कोलकाता नाईट रायडर्स संघाचा भाग होता, पण तिथे त्याची कामगिरी चांगली राहिली नव्हती. २०१८ च्या मेगा लिलावात मुंबई इंडियन्सने त्याला आपल्या संघात समाविष्ट केले आणि त्याचे नशीबच पालटले.

वाचा- श्रेयसने निराश केले नाही; पदार्पणाच्या कसोटीत शतकासह केला विक्रम

आयपीएलमध्ये मुंबई इंडियन्ससाठी चांगली कामगिरी करत सूर्यकुमारने भारतीय संघासाठी आपली दावेदारी मांडली आणि संघात स्थानही मिळवले, पण २०२१ च्या मोसमात त्याच्या बॅटमधून धावा होऊ शकल्या नाहीत. त्याला फक्त दोन अर्धशतके झळकावता आली. या हंगामात त्याचा फॉर्म घसरत राहिला आणि त्यामुळेच मुंबई इंडियन्स संघ त्याला कायम ठेवू इच्छित नाही.

वाचा- विराट दुसऱ्या कसोटीची तयारी करतोय; पण या प्रश्नाचे उत्तर कोण देणार

विविध माध्यमांतून प्रसिद्ध होणाऱ्या वृत्तांनुसार, लखनऊ आणि अहमदाबाद या दोन नवीन फ्रँचायझींनी सूर्यकुमार यादवला आपापल्या संघात घेण्यासाठी संपर्क साधला आहे. या दोन्ही संघांना मेगा लिलावापूर्वी त्याच्याशी करार करायचा आहे. मुंबई संघ आपला कर्णधार रोहित शर्मा आणि वेगवान गोलंदाज जसप्रीत बुमराहला कायम ठेवू शकतो. याशिवाय वेस्ट इंडिजचा दिग्गज अष्टपैलू खेळाडू कायरन पोलार्डशीही चर्चा सुरू आहे. त्याचबरोबर चौथा खेळाडू म्हणून ईशान किशनचे नाव पुढे येत आहे, पण त्याचे नाव अद्याप निश्चित झालेले नाही.

वाचा- श्रेयस अय्यरने ते स्वप्न पूर्ण केले; ४ वर्ष झाली वडिलांनी Whatsappचा डीपी बदलला नाही



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: